Johana 15:5 - ÎVUKU RÎA ÛVORO MWARO

⁵ “Nie nî nie Mûthavibu, namue nîmue mvûa. Mûndû wa wonthe wîkaraga ndaarî yakwa, nanie ngekara ndaarî yake, nîagîcaga maciaro meengî; nîûndû mûtarî vamwe na nie gûtirî ûndû mûngîvota gwîka.

Johana 15:5 ပူးပေါင်းရင်းမြစ်များ

Nthi 11:30

Maciaro ma mûndû mûthingu nî mûtî wa ûtûûro, nwatî waganu nîûcûkangagia ûtûûro.

Hosea 4:8

Metongetia na maketha ma andû akwa arîa evia, nîmeriragîria mûno kwona magîka mevia.

Mathaayo 13:21

nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

Johana 12:24

Nie nîramwîra na ma atî, mvîndî ya ngano îkaraga îrî wa yonga îngîrega kûvandwa mûtheturî na îkue. Nwatî îngîkua, nîîciaraga maciaro meengî.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Johana 5:19

Kwoguo Jesû nîwamerire atîrî, “Nîramwîra na ma atî: gûtirî ûndû Mûriû ekaga eîrîte; ekaga wa ûrîa tu onaga Îthe agîka. Na wa ûrîa wonthe Îthe eekaga, wana Mûriû nîwîkaga.

Johana 9:33

Mûndû ûcio atangîaumire kûrî Ngai, ndangîravota gwîka wanarî ûndû.”

Ciîko 4:12

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

Aroma 12:5

Na njîra ta îno, wana ethîrwa tûrî eengî twîthagîrwa tûrî mwîrî ûmwe na Kristû na tuonthe twîthagîrwa twovanîtue vamwe tûrî ciîga cia mwîrî ûmwe.

Aroma 6:22

Nwatî rîu mûrî ovore kuuma meviarî na mûrî ngombo cia Ngai. Naguo umithio ûrîa mûgîcaga naguo nî gûtûûra mwîyamûrîrîte Ngai na mûthiiarî mwoyo wa tene na tene.

Aroma 7:4

Ariû na aarî a îthe wetû, ûguo nîguo maûndû mekariî wana kûrî mue. Ûvororî wîgiî watho mue wana mue nîmûkuîte nîûndû mûrî kîîga Kîam mwîrî wa Kristû. Na rîu mûrî a ûcio wariûkirue nîguo tûciarîre Ngai maciaro.

1Akor 10:16

Gîkombe kîrîa tûtûmagîra vîndî îrîa tûrakûngûîra Irio cia Mwathani cia Kîvwaî nwa kîo tûtûmagîra vîndî îrîa tûracokia ngatho kûrî Ngai: vîndî îrîa tûranyuîra gîkomberî gîkî twîthagîrwa tûkînyunyanîra nthakame ya Kristû. Naguo mûgate ûrîa twenyûrangaga tûkîûrîa, twîthagîrwa tûkîrîcanîra mwîrî wa Kristû.

1Akor 12:12

Kristû ethagîrwa ekariî ta mwîrî wa mûndû ûrîa ûrî na ciîga nyîngî, nwatî nî ûmwe tu. Wana ethîrwa ciîga icio nî nyîngî cionthe ithondekete mwîrî ûmwe tu.

1Akor 12:27

Mue muonthe vamwe mûrî mwîrî wa Kristû na wa ûmwe gatagatîrî kenyu nî kîîga Kîam mwîrî ûcio.

2Akor 13:8

Tûtingîvota gwîka ûndû wa kûregana na ûma, nwatî twîkaga maûndû ma ûma.

2Akor 9:10

Ngai ûrîa ûvecaga mûrîmi mbeû ya kûvanda na akamûva mûgate wa kûrîa, nwake ûkaamûva mbeû îrîa mûvatarîte. Nîûndû wa ûtaana wenyu Ngai nîagaatûma mbeû îo îkûre na îngîvie maketha.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Aefeso 5:9

nîûndû ûtheri nîguo ûretaga maûndû monthe maro, ma ûthingu na ma ma.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 4:13

Nwambîke maûndû monthe na njîra ya ûrîa ûmvecaga vinya.

Afil 4:17

Nie ndirenda iveo kuuma kûrî mue, nwatî nîrenda mûgîe na maciaro marîa maumanaga na ûvecani.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

1Pet 2:4

Ûkani kûrî Mwathani na nîke Îthiga rîrî mwoyo rîrîa rîaregirwe nî andû nwatî nîrîathuurirwe nî Ngai na nî rîa goro.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.