Johana 15:26 - ÎVUKU RÎA ÛVORO MWARO

²⁶ “Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 15:26 ပူးပေါင်းရင်းမြစ်များ

Luka 24:49

Nie nînie ngaamûtûmîra kîrîa Ngai Vava aamwîrîîre. Nwatî nwa nginya mwîkare gûkû îtûûrarî rîa Jerusalemu mwetererete nginya rîrîa mûkaagîa na vinya wa Ngai kuuma îgûrû.”

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 16:7

Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue.

Johana 8:42

Nake Jesû nîwamerire atîrî, “Angîthîrwa na ma Ngai nîke Îthe wenyu, nîmûngîmendete nîûndû naaumire kûrî Ngai na rîu nîrî ava. Nie tînie netûmire nwatî Ngai nîke wandûmire.

Ciîko 1:4

Na arî vamwe nao nîwamaathire atîrî, “Mûtikaume Jerusalemu, nwatî etererani kîveo kîrîa naamwîrire ûvoro wakîo, kîveo kîrîa vava aamwîrîîre.

Ciîko 15:8

Nake Ngai ûrîa ûmenyaga meciria ma andû onthe, nîwametîkîre. Ke nîwonanirie ûndû ûcio na njîra ya kûmava Roho Mûtheru wata ûrîa eekîte kûrî tue.

Ciîko 5:32

Tue tûrî aira a maûndû mama. Wana nginya Roho Mûtheru ûrîa Ngai avecanîte kûrî arîa mamwathîkagîra nî mûira.”

1Akor 1:6

Wana nginya ndûmîrîri îgiî Kristû nîgîte na mîri gatagatîrî kenyu.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.