Johana 15:22 - ÎVUKU RÎA ÛVORO MWARO

²² Angîthîrwa ndiamava ndûmîrîri yakwa, matingîatuirwe evia. Nwatî rîu matirî na kîîgwatio atî matirî na mevia.

Johana 15:22 ပူးပေါင်းရင်းမြစ်များ

Ezek 2:5

Wana makûthikîrîria kana marege gûkûthikîrîria nîûndû o nîmareganîte nanie, nîmakaamenya atî mûrathi ararî gatagatî kao.

Luka 12:46

mwathi wa ndungata îo agaacoka amiumîrîre mûthenya ûmwe ûrîa îtamwîrîgîrîrîte na îthaarî rîrîa yo îtaicî. Mwathi wa ndungata îo nîagaacoka amîverithie mûno na amîngate îthiî îgekaranie na andû arîa matetîkîtie.

Johana 12:48

Mûndû wa wonthe ûndegaga na ûtetîkagîra ndûmîrîri yakwa arî na mûndû ûkaamûtuîra ciira. Ciugo irîa naria nîcio igaacirithia mûndû ûcio mûthenya wa mûthiia!

Johana 15:23

Mûndû wa wonthe ûmenete nîamenete wana nginya Vava.

Johana 15:24

Ndangîekire maûndû marîa mataneekwa nî mûndû wîngî gatagatîrî kao, matingîatuirwe evia. Nwatî rîu nîmonete maûndû marîa nekire na nîmamenete na makamena Vava.

Johana 16:9

Mavîtîtie ûvororî wîgiî mevia nîûndû matimbîtîkîtie;

Johana 19:11

Nake Jesû nîwamûcokerie atîrî, “We ndûrî na ûvoti wa kûmbîka wanarî ûndû ethîrwa ûvoti ûcio ndûvetwe guo nî Ngai. Kwoguo mûndû ûrîa ûmindire kûrî we arî na wîvia mûnene makîria.”

Johana 9:41

Nake Jesû nîwamacokerie atîrî, “Mûngîrî atumumu mûtingîrî na ûcuke, nwatî nîûndû mugaga nîmûvotaga kwona, ûguo nî kuga atî mûrî na ûcuke.”

Ciîko 17:30

Ngai nîatuîte atî ke ndagûtara mavinda marîa andû mataamwicî. Nwatî rîu ke nîwathaga andû onthe arîa marî kûndû kuonthe merire,

Aroma 1:20

Kuuma rîrîa Ngai aaûmbire nthî, maûndû make marîa matoonekaga nîmamenyekete waro. Maûndû mau nî vinya wake ûrîa ûtûûraga tene na tene na ûngai wake. Andû nîmataûkagîrwa nîmo waro maroria indo irîa Ngai aaûmbire na kwoguo gûtirî na mûndû ûngîgîa na kîîgwatio.

Aroma 2:1

Mûrata wakwa ethîrwa we nîûtucagîra andû arîa engî, ndûrî na kîîgwatio wana ethîrwa we nîwe û. Nîûndû rîrîa ûgûtuîra andû arîa engî ûgacoka ûgeka maûndû marîa maratûma ûmatuîre, nîwe mwene ûretuîra.

Jakuvu 4:17

Mûndû wa wonthe wîcî ûndû mwaro ûrîa agîrîrwe nî gwîka, nwatî ndawîkaga, nî evagia.

1Pet 2:16

Tûûragani ta andû meyathîte, na mûtigetîkagîre wîyathi ûcio wenyu ûtuîke wa gûkunîkagîra naaî. Nwatî tûûragani ta ngombo cia Ngai.