Johana 15:20 - ÎVUKU RÎA ÛVORO MWARO

²⁰ Taririkanani ûrîa namwîrire atî: ‘Gûtirî ngombo nene gûkîra mûmîathi.’ Angîthîrwa andû nîmaanyaririre, wa namue nîmakaamûnyarira. Ethîrwa nîmaathîkîre ciugo ciakwa, wana nginya cienyu nîmagaaciathîkîra.

Johana 15:20 ပူးပေါင်းရင်းမြစ်များ

Ezek 3:7

Nwatî andû a Isiraeli matigakûthikîrîria, nîûndû matirenda kûnthikîrîria. Andû onthe a Isiraeli marî ngoro nyûmû na nî aremi.

Mathaayo 10:24

“Gûtirî mûrutwa mûnene kûrî mûmûruti; wana gûtirî ngombo nene kûrî mûmîathi.

Maariko 10:39

Nao nîmaamûcokerie atîrî, “Ii nîtûkûvota.” Jesû nîwameerire atîrî, “Nî ma nîmûkûnyuîra gîkombe kîrîa ngûnyuîra, na mûvatithue na njîra îrîa ngûvatithua nayo,

Luka 2:34

Simioni nîwamarathimire, agîcoka akîîra Mariamu ng'ina wa Jesû atîrî, “Ngai athuurîte mwana ûyû nîguo acûkangie na avonokie andû eengî arîa marî vûrûrirî wa Isiraeli. Mwana ûyû akeethîrwa arî kîmenyithia kîrîa andû eengî makaaria maûndû macûku make,

Luka 6:40

Gûtirî mûrutwa ûngîneneva gûkîra mwarimû wake, nwatî mûrutwa wa wonthe angîthomithua viû atuîkaga ta mwarimû wake.

Johana 10:31

Wa rîngî Ayahudi nîmoocire mathiga nîguo mamûûrage namo.

Johana 11:57

Nao anene a athînjîri-Ngai na Afarisai nîmaathanîte atî mûndû wa wonthe ûkaamenya kûrîa Jesû arî, athiî akamamenyithie nîguo mamûnyite.

Johana 13:16

Nîramwîra na ma atî gûtirî ngombo nene gûkîra mûmîathi, wana gûtirî mûnjaama mûnene gûkîra mûmûtûmi.

Johana 5:16

Kwoguo Ayahudi nîmaambîrîrie kûnyarira Jesû nîûndû nîwekaga maûndû ta mama mûthenya wa thavatû.

Johana 7:32

Afarisai nîmegwire andû makîaria na kîvwe ûvoro wîgiî Jesû. Kwoguo Afarisai acio marî vamwe na anene a athînjîri-Ngai, nîmaatûmire arangîri mathiî makanyite Jesû.

Johana 8:51

Nîramwîra na ma atî: mûndû wa wonthe wathîkagîra ciugo ciakwa ndagaakua.”

Johana 8:52

Nao Ayahudi nîmaamwîrire atîrî, “Rîu nîtwamenya na ma atî we ûrî na ngoma! Iburahimu na arathi onthe nîmaakuire, nwatî we ûratwîra atî mûndû wa wonthe wathîkagîra ciugo ciaku ndagaakua.

Johana 8:59

Nao nîmoocire mathiga nîguo mamwikie, nwatî Jesû nîwethithire na akiuma kûu hekarûrî.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

1Akor 4:12

Tue ene nîtwînogagia tûkîruta wîra na njara cietû. Vîndî îrîa tûkûrumwa nî andû nîtûmarathimaga na vîndî îrîa tûkûnyarirwa nî andû nîtûmagîrîria.

2Akor 4:9

Tûnyariragwa, nwatî tûtitiganagîrua. Tûtivagua, nwatî tûticûkangagua.

1Ath 2:15

arîa maaûragire Mwathani Jesû na arathi na magîtûnyarira. Matiakenia Ngai na nîmaareganaga na andû onthe.

2Tim 3:12

Mûndû wa wonthe wendaga gûtûûra arî mûrûmîrîri wa Jesû Kristû nwa nginya anyamarue.

1Sam 8:7

nake Ngai-Mûnene akîîra Samueli atîrî, “Îtîkîra maûndû monthe marîa andû magûkwîra, nîûndû we tîwe maregete. Nie nînie maregete nduîke mûthamaki wao.