Johana 15:19 - ÎVUKU RÎA ÛVORO MWARO

¹⁹ Mûngîrî a gûkû nthî, andû nwa mamwendete. Nwatî namûthuurire kuuma kûrî andû a gûkû nthî na kwoguo mue mûtirî a gûkû nthî. Kîu nîkîo gîtûmaga andû a gûkû nthî mamûmene.

Johana 15:19 ပူးပေါင်းရင်းမြစ်များ

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.

Luka 6:32

“Mûngîrathimwa atîa, angîthîrwa mûkendaga tu wa andû arîa mamwendete? Wana nginya evia nîmendaga andû arîa mamendete!

1Pet 4:3

Mavinda mavîtûku mwîthîrîtwe mûgîka maûndû marîa andû arîa matetîkîtie Ngai meriragîria gwîka. Mûtûûrîte mûgîkaga maûndû ma ûra nthoni, mûrî na merirîria macûku, ûrîu, marugarî marîa matagîrîrîte ma waganu na mûgîkaga maûndû marî na nthoni ma kûgooca mîvuanano.

Kûguû 12:17

Njûnamatu îo nîyarakarirue mûno nî mûndûmûka ûcio na îkîthiî kûrûa na njiarwa icio ciîngî ciake, nacio nî irîa ciathîkagîra maathani ma Ngai na irî na wîvokeku kûrî ûma ûrîa waguûrirue na njîra ya Jesû.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 24:9

“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa.

Johana 6:70

Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.