Johana 15:11 - ÎVUKU RÎA ÛVORO MWARO

¹¹ “Nie namwîra maûndû mama nîguo mûgîe na gîkeno ta kîrîa nîrî nakîo na mûgîe na gîkeno gîcûru.

Johana 15:11 ပူးပေါင်းရင်းမြစ်များ

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Isaia 62:4

We ndûgaacoka gwîtwa rîngî, “Mûtiganîrie,” na vûrûri waku ndûgaacoka gwîtwa rîngî, “Mûndûmûka mûtiganîrie.” Nwatî ûgeetagwa, “Nîngenagua nîke,” naguo vûrûri waku ûgeetagwa, “Mûndû mûvikie.” Nîûndû Ngai-Mûnene nîakenetue nîwe, nake agaatuîka ta mûndûmûrûme avikîtie vûrûri waku.

Jeremia 32:41

Nîngakena ngîmeka maûndû maro, na ndûme mekindîrie vûrûrirî ûyû.”

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Luka 15:23

Mûcoke mûthînje karegwa karîa kanoru viû nîguo tûkarîe tûkenete,

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 15:5

Na amîona, nîakenaga mûno nginya akamigîrîra cianderî ciake

Luka 15:9

Nake amîona, nîwîtaga arata ake wa vamwe na andû arîa matûûranîrîte nake na akameera atîrî, ‘Ûkani tûkenanîre nîûndû nînîronire ciringi yakwa îrîa îraûrîte!’

Johana 16:24

Nginya rîu gûtirî ûndû mwanavoya na rîîtwa rîakwa. Voyani namue nîmûkûvewa na mûcoke mûgîe na gîkeno gîkî gîcûru.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Johana 17:13

Rîu nie nîkwa mbûkîte kûrî we. Nîraria maûndû mama nîrî gûkû nthî nîguo arûmîrîri akwa magîe na gîkeno gîcûru ta kîrîa nîrî nakîo.

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

2Akor 1:24

Tue tûtiramûringîrîria maûndû marîa mwagîrîrwe nî gwîtîkia; Nîtwîcî atî mûrî ekindîru wîtîkiorî wenyu, nwatî tûrutithanagia wîra namue nîguo mûkenage.

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

Afil 1:25

Nîrî na ma ya ûndû ûyû na kwoguo nîmbîcî nî ngûtûûra mwoyo. Nîndûûrania namue muonthe, nîguo ndûmage mûthiî na mbere na mûgîe na gîkeno kîîngî wîtîkiorî wenyu,

1Ath 5:16

Kenagani vingo cionthe.

1Pet 1:8

Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,

1Joh 1:4

Tûramwandîkîra ûguo nîguo gîkeno gîetû gîtuîke gîcûru.

2Joh 1:12

Nîrî na maûndû meengî mûno ma kûmwîra, nwatî ndirenda gwîka ûguo na njîra ya karatathi na rangi. Vandû va ûguo nîmbîrîgîrîrîte gûka kûmwona na twaranîrie metho kwa metho nîguo gîkeno gîetû gîtuîke gîcûru.