Johana 15:10 - ÎVUKU RÎA ÛVORO MWARO

¹⁰ Mwathîkîra maathani makwa mûgekaraga mûrî wendorî wakwa, wata ûrîa mbathîkîrîte maathani ma Vava na ngekara nîrî wendorî wake.

Johana 15:10 ပူးပေါင်းရင်းမြစ်များ

2Sam 22:22

Nîmbathîkîrîte mawatho ma Ngai-Mûnene, na ndirî nagarûrûka ngatiganîria Ngai wakwa.

2Atha 18:6

Hezekia nîwetîkîtie Ngai-Mûnene, na ndaanarega kûmwathîkîra, nwatî nîwavingagia maathani monthe marîa Ngai-Mûnene aaveete Musa.

Ntha 7:6

Nao Musa na Aroni nîmeekire ûrîa Ngai-Mûnene amaathîte meke.

Isaia 50:5

Mwathani Ngai-Mûnene nîavingûrîte matû makwa, na ndiatuîka mûregi, kana nîmûtiganîria.

Johana 10:18

Gûtirî mûndû ûkûnjuna mwoyo wakwa. Nie nînie ngûûvecana na kwenda gwakwa. Nîrî na ûvoti wa kûûvecana na nîrî na ûvoti wa kûwîcukia rîngî. Na ûguo nîguo Vava ambathîte mbîke.”

Johana 12:49

Nie ndinaria na wathani wakwa nie mwene, nwatî Vava ûrîa wandûmire nîke ûmvete ûrîa mbagîrîrwe nî kuga na kwaria.

Johana 14:15

“Ethîrwa nîmûmendete, mûkaathîkagîra maathani makwa.

Johana 14:21

“Mûndû wa wonthe wamûkagîra maathani makwa na akamathîkîra nîke ûmendete. Vava akendaga mûndû ûrîa ûmendete, wa nanie ngaamwendaga na ngeyonithanagia kûrî ke.”

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

Johana 14:31

nwatî nîmbîkaga maûndû monthe marîa Vava ambathaga mbîke, nîguo andû a gûkû nthî mamenye atî nîmendete Vava. “Ûkîrani rîu tûthiî tuume ava.

Johana 17:4

Nie nîrîmûkûgoocithiu gûkû nthî nîûndû nîrîmûrîkiu kûruta wîra ûrîa wamvere.

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.

Johana 8:29

Nake ûrîa wandûmire arî vamwe nanie. Ke tîmûndigu nîrî nienga nîûndû vîndî cionthe mbîkaga maûndû marîa mamûkenagia.”

Johana 8:55

Mue mûtianamûmenya, nwatî nie nînîmwîcî. Angîthîrwa nwa mbuge ndimwîcî, nîngîthîrwa nîrî mûthaani wa tamue. Nwatî nie nînîmwîcî na nîmbathîkagîra kiugo gîake.

1Akor 7:19

Kûrua kana kûrega kûrua, ûcio tî ûndû ûrî na vata. Ûndû ûrîa ûrî na vata nî kwathîkîra mawatho ma Ngai.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

2Pet 2:21

Wana nî kava matangîamenyete njîra ya ûthingu, gûkîra kûmîmenya na magacoka makavuvatîra maathani matheru marîa maaverwe.

1Joh 2:3

Ethîrwa nwa twathîkîre maathani ma Ngai nwa twîthîrwe tûrî na ûma atî nîtûmûmenyete.

1Joh 2:5

Nwatî mûndû ûrîa wathîkagîra kiugo gîake nîethagîrwa na ma ecûrîtwe nî wendo wa Ngai. Tûngîvota kûmenya tûrî ngwatanîro na Ngai na njîra ta îno:

1Joh 2:6

arîa maugaga atî matûûraga marî ngwatanîro na Ngai magîrîrwe nî gûtûûra ta ûrîa Jesû Kristû aatûûraga.

1Joh 5:3

Nîûndû wendo wetû kûrî Ngai nî atî twathîkîre Maathani make na maathani make tî mûrigo kûrî tue.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.