Johana 15:1 - ÎVUKU RÎA ÛVORO MWARO

¹ “Nie nînie Mûthavibu wa ma, nake Vava nîke mûrîmîri.

Johana 15:1 ပူးပေါင်းရင်းမြစ်များ

Rwîmbo rwa Nyîmbo 7:12

Tûgaûkîra kîraûko tene tûthiî mûgûndarî wa mîthavibu, tûkone kana mîthavibu nî îthundîtie, twone kana maûa ma yo nî matumûku, na twone kana mîkûngûmanga nî mîrau. Kûu nîkuo ngaakûnengerera wendo wakwa.

Isaia 4:2

Mûthenya ûcio, rûvûa rûrîa Ngai-Mûnene agaatûma rûmere rûkethîrwa rûrî rûthaka na rûrî na riiri. Namo maciaro ma nthî nîmakaaguna na makenagie andû a Isiraeli arîa matigarîte.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 12:10

Arîthi eengî nîmacûkangîtie mûgûnda yakwa ya mîthavibu, nîmakinyangîte mîgûnda yakwa, nîmatûmîte vûrûri wakwa ûrîa mwaro ûtuîke werû.

Jeremia 2:21

Nwatî nînakûvandire ta mûthavibu mûthuure mbegû mbaro kuuma mûthavibu ûrîa mwaro. Nî ndûî gîtûmîte ûgarûrûke ûtuîke ta kîndû gîcûku, kana ta mûthavibu wa kîthakarî?

Ezek 19:10

Nyûkwe eekariî ta mûtî wa mûthavibu ûrî mûgûndarî, naguo wavandîtwe rûtere rwa manjî. Warî na mvûa nyîngî na nîwaciarîte mûno, nîûndû warî vandû vaarî na manjî meengî.

Hosea 10:1

Andû a Isiraeli mekariî ta mûthavibu ûrîa mwaro mûno, mûthavibu ûrîa ûciaraga matunda mûno. Wa ûrîa matunda mathiîcaga na mbere kwongereka; nwaguo mathiîre na mbere na gûtuma metha cia kîgongoona. Wa ûrîa maciaro ma vûrûri mongerekire, nwa guo maathiîre na mbere kûvanda itugî ciao cia kûvoyagîra.

Zakaria 3:8

Tathikîrîria waro, we Joshua Mûthînjîri-Ngai mûnene. Wa namue athînjîri-Ngai arîa mûtungataga vamwe nake tathikîrîriani. Mue oni a maûndû ma mavinda marîa magaaûka tathikîrîriani. Nîngûreta ndungata yakwa îrîa îtagwa Rûvûa.

Mathaayo 15:13

Nake Jesû nîwamacokerie atîrî, “Mûtî wa wonthe ûtavandîtwe nî Vava ûrîa ûrî îgûrû nîûgakûûrwa.

Mathaayo 20:1

“Ûthamaki wa îgûrû wîkariî ta mûndû ûrîa waumire mûciî kîraûko tene na akîthiî kwandîka andû a kûruta wîra mûgûndarî wake wa mîthavibu.

Mathaayo 21:33

Nake Jesû nîwamerire atîrî, “Tathikîrîriani ngerekano îngî. Vîndî îmwe kwarî na mûndû wavandire mîthavibu mûgûndarî wake. Nîwacokire akîwiriga, akînja îrima rîa kûvivîra thavibu na agîtuma nyomba ya arangîri. Nîwacokire agîûkomborithia arîmi na akîthiî vûrûri wîngî.

Maariko 12:1

Jesû nîwambîrîrie kûthomithia andû na ngerekano na akîmeera atîrî, “Vîndî îmwe kwarî na mûndû wavandire mîthavibu mûgûndarî wake. Nîwawirigîre, akînja îrima rîa kîndû gîa kûvivîra ndivei, na agîtuma nyomba ya arangîri. Nîwacokire agîûkomborithia arîmi na akîthiî vûrûrirî wîngî.

Luka 13:6

Jesû nîwavecanire ngerekano îno: “Vîndî îmwe kwarî na mûndû wavandîte mûkûyû mûgûndarî wake wa mîthavibu. Nake mûndû ûcio nîwathiîre gûcaria ngûyû mûtîrî ûcio, nwatî ke ndoona ngûyû wana îmwe.

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Johana 1:9

Ûyû nîguo warî ûtheri wa ma; ûtheri ûrîa ûkaga gûkû nthî na ûkamûrîkîra andû onthe.

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Johana 6:32

Nake Jesû nîwamerire atîrî, “Nie nîramwîra na ma atî Musa ndaamûva irio kuuma îgûrû. Ngai Vava nîke ûmûvecaga mûgate ûrîa wa ma kuuma îgûrû.

Johana 6:55

Nîûndû mwîrî wakwa nî irio cia ma, na nthakame yakwa nî kîndû gîa kûnyua Kîam ma.

Aroma 11:17

Mvûa imwe cia mûtî wa mûtamaiyû nî ngavûrange, na ruo rûvûa rwa mûtî wa mûtamaiyû wa kîthaka rûgaciarithanua na guo. Mue andû a Ndûrîrî mwîkariî ta mûtamaiyû ûcio wa kîthaka. Nîmûtethekaga nî kîrîa kiumaga kûrî Ayahudi na njîra ta îrîa rûvûa rwa mûtamaiyû wa kîthaka rûtethekaga rwaciarithanua na mûtamaiyû ûrîa wa mûgûndarî.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

1Joh 2:8

Nwatî nîramwandîkîra rîathani rîcerû na Mesaya nîwonanîtie atî ûndû ûcio nî wa ma na wanamue nîmwonanîtie wa guo. Nîûndû nduma nî îrathira, naguo ûtheri ûrîa wa ma nî ûramûrîka.