Johana 14:6 - ÎVUKU RÎA ÛVORO MWARO

⁶ Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 14:6 ပူးပေါင်းရင်းမြစ်များ

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Johana 1:4

Ndaarî yake kwarî na mwoyo, naguo mwoyo nîguo warî ûtheri wa andû.

Johana 10:28

Nie nînîivecaga mwoyo wa tene na tene, na itigaakua rî kana rî. Gûtirî mûndû ûngînjuna cio.

Johana 10:7

Kwoguo Jesû nîwamerire rîngî atîrî, “Nîramwîra na ma atî: Nie nînie kîvingo kîrîa ng'ondu ivîtûkagîrîra igîtonya.

Johana 10:9

Nie nînie kîvingo. Mûndû wa wonthe ûvîtûkagîrîra varî nie agîtonya, nîakaavonoka; ke agaatonyaga na akauma na akona kîndû gîa kûrîa.

Johana 14:19

Vuva wa kavinda kanini andû a nthî tî macoka kûmona rîngî, nwatî mue mûkaamona; na nîûndû nîndûûraga mwoyo, wa namue nîmûgaatûûra mwoyo.

Johana 15:1

“Nie nînie Mûthavibu wa ma, nake Vava nîke mûrîmîri.

Johana 18:37

Pilato nîwamûririe atîrî, “Anga we ûrî mûthamaki?” Nake Jesû nîwamûcokerie atîrî, “We nîwe wauga atî nie nîrî mûthamaki. Nie naaciarirwe na ngîûka gûkû nthî nîûndû wa gîtûmi gîkî kîmwe, kwaria ûvoro wa ma. Na mûndû wa wonthe wîthagîrwa akîaria ûma nîambathîkagîra.”

Johana 5:21

Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva.

Johana 6:33

Ke ûrîa umîte îgûrû nîke mûgate ûrîa Ngai avecanaga, na nîke ûvecaga andû mwoyo.”

Johana 6:51

Nie nînie mûgate wa mwoyo ûrîa wanyûrûrûkire kuuma îgûrû. Mûndû wa wonthe ûrîcaga mûgate ûyû, agaatûûra tene na tene. Mûgate ûyû nî mwîrî wakwa ûrîa ngaavecana nîguo andû magîe na mwoyo.”

Johana 6:57

Nie natûmirwe nî Vava mûtûûra mwoyo na wa nanie ndûûraga mwoyo nîûndû wake. Na njîra wata îo mûndû wa wonthe ûrîcaga mwîrî wakwa nîatûûraga mwoyo nîûndû wakwa.

Johana 6:68

Nake Simoni Petero nîwamûcokerie atîrî, “Mwathani tûngîgûtiga tûkathiî kûrî û? We ûrî na ciugo cia mwoyo wa tene na tene.

Johana 8:32

Nîmûkaamenya ûma na ûma nîûkaamûruta ûkomborî.”

Johana 8:51

Nîramwîra na ma atî: mûndû wa wonthe wathîkagîra ciugo ciakwa ndagaakua.”

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Ciîko 4:12

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

Ciîko 9:2

na agîtia maarûa cia kûmûmenyithania mavoerorî marîa maarî îtûûrarî rîa Damesiki, nîguo angîona arûmîrîri a njîra ya Mwathani, arûme kana aka, amanyite na amacokie Jerusalemu.

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

Aroma 5:2

Nîûndû wa gwîtîkia, ke nîatûmîte tûgîe na wega wa Ngai ûrîa tûrî naguo rîu. Kwoguo nîtûkenaga nîûndû wa kîîrîgîrîro kîrîa tûrî nakîo gîa gûkagaa riiri wa Ngai.

Aroma 5:21

Kwoguo wata ûrîa mevia maathamakire na njîra ya gîkuû, nwaguo wega wa Ngai ûthamakaga na njîra ya ûthingu na ûgatûma tûgîe na mwoyo wa tene na tene na njîra ya Jesû Kristû Mwathani wetû.

1Akor 15:45

Mandîkorî Matheru kwandîkîtwe atîrî, “Mûndû wa mbere kûmbwa na nîke Adamu, nîwatuîkire mûndû ûrî mwoyo.” Nwatî Adamu wa mûthiia nîwatuîkire Roho ûrîa ûvecanaga mwoyo.

Aefeso 2:18

Na njîra ya Kristû, tuonthe Ayahudi na andû a Ndûrîrî nîtûvotithagua nî Roho ûmwe gûkinya kûrî Vava wetû.

Akol 2:17

Maûndû mama monthe nî iruru cia maûndû marîa mageekîka vuvarî, nwatî Kristû nîke ûma.

Akol 2:9

Nîûndû Kristû ethagîrwa arî na ûngai mwîcûru ûmûndûrî wake.

Akol 3:4

Ûtûûro wetû wa ma nî Kristû na rîrîa ke agaaûka rîngî gûkû nthî, wa namue nîmûkoonekana mûrî vamwe nake na mûrî na riiri ta wake.

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

Ahib 9:8

Na njîra îno, Roho Mûtheru nîonanagia atî rîrîa rîonthe îgema rîa nja rîrî vo, njîra ya kûthiî vandû varîa vatheru Mûno tî mvingûre.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

1Pet 2:4

Ûkani kûrî Mwathani na nîke Îthiga rîrî mwoyo rîrîa rîaregirwe nî andû nwatî nîrîathuurirwe nî Ngai na nî rîa goro.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Joh 1:8

Tûngiuga atî tue tûtirî na mevia nîkwîveenia tûreveenia na tûtirî na ûma ndaarî yetû.

1Joh 2:23

Mûndû wa wonthe ûregete Mûriû nîaregete wana nginya îthe. Mûndû wa wonthe wîtîkîrîte Mûriû nîetîkîrîte îthe wanake.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

1Joh 5:6

Jesû Kristû nîke ûrîa waûkire na njîra ya manjî ma ûvatithio na nthakame ya gîkuû gîake. Ke ndaaûka tu na njîra ya manjî nwatî aûkire na manjî na nthakame. Roho ke mwene nî mûira atî ûvoro ûyû nî wa ma nîûndû Roho ûma.

2Joh 1:9

Mûndû wa wonthe ûreganîte na kîrîra gîa Kristû na akathiî agakîria njano, ndethagîrwa arî na Ngai. Nwatî ûrîa ûrûmagîrîra kîrîra gîa Kristû ethagîrwa arî na îthe wana Mûriû.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

Kûguû 20:15

Na mûndû wa wonthe ûrîa rîîtwa rîake rîtaarî rîandîke îvukuurî rîa mwoyo nîwaikirue îriarî rîa mwaki.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.