Johana 14:18 - ÎVUKU RÎA ÛVORO MWARO

¹⁸ “Nie ndikûmûtiga ta ciana cia ndigwa; ngaamûcokerera.

Johana 14:18 ပူးပေါင်းရင်းမြစ်များ

Thaburi 101:2

Nîngwîmenyerera ndûûre ndarî na ûcuke. Ûgaaûka kûrî nie rî? Nîngûtûûra nyombarî yakwa nîrî na ngoro ntheru,

Thaburi 23:4

Wana nîngîvîtûkîrîra mûkururî ûrî nduma nene ta ya gîkuû, gûtirî ûgwati nîngîtigîra, nîûndû we Ngai-Mûnene ûrî vamwe nanie. Rûthanju rwaku rwa ûrîthi na mûragi waku nîcio ingitagîra.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Maca 5:3

Methe metû nîmaakuire, tûrî ciana cia ngoriai, na anyanya nî aka a ndigwa.

Hosea 14:3

Vûrûri wa Asîria ndûgatûvonokia wana kana mbarathi cietû cia mbaara itûvonokie tûrî mbaararî. Tûtigeta mîvuanano îrîa tûmbîte na njara cietû ‘Ngai wetû.’ We nîwe wîgucagîra ciana cia ngoriai ntha.”

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Mathaayo 18:20

Nîûndû varîa andû aîrî kana athatû magomanîte nîûndû wa rîîtwa rîakwa, ngeethagîrwa nîrî vamwe nao.”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Johana 14:16

Nie nîngûvoya Vava, nake nîakûmûva Mûtethia wîngî nîguo atûûranagie namue tene na tene.

Johana 14:3

Na narîkia kûthiî kûmûvarîrîria vandû, nîngûcoka nîmwîcîre nîguo mue mwîthagîrwe mûrî varîa nie nîrî.

Johana 16:16

“Vandû va kavinda kanini mûtigûcoka kûmona, nwatî vuva wa kavinda kanini mûkaamona.”

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

Ahib 2:18

Na rîu ke nwa atethie arîa mageragua, nîûndû ke mwene nîwagerirue na akîthînua.