Johana 13:31 - ÎVUKU RÎA ÛVORO MWARO

³¹ Judasi aathiî, Jesû nîwaugire atîrî, “Rîu Mûrû wa Mûndû nîmûve riiri, na riiri wa Ngai nîwonanîtue na njîra ya Mûrû wa Mûndû.

Johana 13:31 ပူးပေါင်းရင်းမြစ်များ

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Luka 12:50

Nie nîrî na ûvatithio ngeerie kûvatithua naguo. Nîrathînîka ngîyûria rîrîa ûndû ûyû ûkaavingua.

Johana 11:4

Rîrîa Jesû eegwire ûguo nîwaugire atîrî, “Mûrimû ûyû tîwa gûtûma Lazaro akue, nwatî nîwagûtûma Ngai akumue, atî Mûriû wa Ngai agoocithue na njîra yaguo.”

Johana 12:23

Nake Jesû nîwamerire atîrî, “Îvinda nîrîkinyu Mûrû wa Mûndû avewe riiri.

Johana 12:28

Vava goocithia rîîtwa rîaku!” Naguo mûgambo nîwacokire ûkiuma îgûrû ûkiuga atîrî, “Nînîrîgoocithîtie na nwa ngûrîgoocithia wa rîngî.”

Johana 14:13

Ûndû wa wonthe ûrîa mûkavoyaga na rîîtwa rîakwa ngawîkaga, nîguo Vava akumague na njîra ya Mûriû.

Johana 16:14

Ke nîakaangoocithia, nîûndû nîagooca maûndû marîa mbarîtie na amwîre mo.

Johana 7:39

Nake Jesû akiuga ûguo aaragia ûvoro wîgiî Roho Mûtheru, ûrîa warî avewe arîa maamwîtîkirie. Vîndî îo Roho ndaarî mûvecane nîûndû Jesû ndaarî mûve riiri wake.

Ciîko 2:36

“Kwoguo mue andû onthe a Isiraeli nwa nginya mûmenye na ma atî Jesû ûyû ûrîa mue mwambire mûtharavarî îgûrû, nîke Ngai atuîte Mwathani na Mesaya!”

Ciîko 3:13

Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

Aefeso 1:12

Tigani tue arîa twathuurirwe na twarî a mbere kwîrîgîrîra Kristû tûkumie riiri wa Ngai!

Aefeso 2:7

Eekire ûguo nîguo mavindarî monthe marîa magaaûka akoonania magegania na ûnene wa wega wake. Eekire ûguo na njîra ya wendo ûrîa aatwonirie na njîra ya Jesû Kristû.

Aefeso 3:10

Na nîguo rîu na njîra ya kanitha athani na maavinya ma îgûrû mamenyithue ûrîa Ngai arî mûûgî maûndûrî monthe.

Afil 2:11

na cionthe ikaumbûraga atî Jesû Kristû nî Mwathani, nîguo Ngai Îthe akumague.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.