Johana 13:24 - ÎVUKU RÎA ÛVORO MWARO

²⁴ Kwoguo Simoni Petero nîwavenerie mûrutwa ûcio na akîmwîra atîrî, “Ta mûrie araria ûvoro wa ûrîkû.”

Johana 13:24 ပူးပေါင်းရင်းမြစ်များ

Luka 1:22

Rîrîa aaumire hekarûrî, nîmaamenyire atî nîwonete kîoneki nîûndû wana ageria kûmarîria, ndaavotaga. Nake nîwambîrîrie kûmarîria na ciîko na kuuma vingo îo agîkara atakûvota kwaria.

Luka 5:7

Kwoguo nî maaveenerie arata ao arîa maarî gatarûrî kau kengî nîguo mathiî mamatethererie. Na rîrîa arata acio ao maathiîre kûmatethereria, nîmecûririe nthamaki tûtarûrî tuoîrî, nginya tûkîambîrîria kûvorokera.

Johana 13:23

Nake mûrutwa ûmwe ûrîa Jesû eendeete nîwekarîte vakuvî na Jesû.

Johana 13:25

Nake mûrutwa ûcio nîwenamîrîre varî Jesû na akîmûria atîrî, “Mwathani nî ûrîkû ûgûgûcukanîrîra?”

Ciîko 12:17

Petero nîwamaveenerie na njara yake akîmeera makire. Nake nîwamataarîrie ûrîa Mwathani aamûrutire njeera na akîmeera atîrî, “Îrani Jakuvu na etîkia arîa engî ûrîa kûrekîkire.” Nîwacokire akiuma kûu na akîthiî kûndû kwîngî.

Ciîko 13:16

Nake Paûlo nîwarûngamire, akîmaveneria na njara yake na akiuga atîrî: “Andû a Isiraeli wa namue muonthe andû a ndûrîrî arîa mûgoocaga Ngai na mûrî ava: mwenda tu tathikîrîriani!

Ciîko 21:40

Mûnene ûcio wa mbûtû ya athigari nîwamwîtîkîrie, kwoguo Paûlo nîwarûngamire vau ngathîrî na akîambararia njara na kûrî andû akîmeera makire. Rîrîa maakirire, Paûlo nîwamaarîrie na Kîhibirania akîmeera atîrî: