Johana 13:21 - ÎVUKU RÎA ÛVORO MWARO

²¹ Nake Jesû aarîkia kuga maûndû mau, nîwathînîkire mûno ngororî yake na akiuga cararûkû atîrî, “Nie nîramwîra na ma atî mûndû ûmwe gatagatîrî kenyu nîakûnjukanîrîra.”

Johana 13:21 ပူးပေါင်းရင်းမြစ်များ

Mathaayo 26:21

Na rîrîa maarîcaga Jesû nîwamerire atîrî, “Nîramwîra nama atî, ûmwe gatagatîrî kenyu nîakûnjukanîrîra.”

Mathaayo 26:38

na akîra arutwa ake atîrî, “Nie nînîregua kîeva kîîngî mûno ngororî yakwa wa takwa nîngîkua. Îkaragani ava vamwe na nie na mûtikagwatwe nî toro.”

Maariko 14:18

Na rîrîa meekarîte metharî makîrîa irio, Jesû nîwamerire atîrî, “Nîramwîra na ma atî ûmwe gatagatîrî kenyu ûrîa ûrarîcanîra nanie nîakûnjukanîrîra.”

Maariko 3:5

Jesû nîwamaroririe arakarîte na arî na kîeva kîîngî mûno ngororî yake nîûndû wa ûrîa maaûmîtie ngoro ciao. Nîwacokire akîra mûndû ûcio wonjete njara atîrî, “Tambarûkia njara yaku.” Nake nîwamîtambarûkirie na îkîvua.

Johana 11:33

Rîrîa Jesû oonire Mariamu na arîa maarî nake ûrîa maarîraga, nîwaringirwe nî ntha akîthînîka mûno ngororî yake,

Johana 11:35

Jesû nîwarîrire.

Johana 11:38

Wa rîngî Jesû nîwathînîkire mûno ngororî yake, na akîthiî mbîrîrarî îrîa yarî ngurunga na yakunîkîtwe na îthiga.

Johana 12:27

“Rîu nînîrathînîka mûno ngororî yakwa, nwatî nîmbuga atîa? Nîkwa nguuga, ‘Vava ndûgetîkîre nginyîrwe nî îvinda rîîrî?’ Nwatî kîu nîkîo gîtûmi kîrîa gîatûmire mbûke gûkû nthî nîguo nginyîre îvinda rîîrî.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Johana 13:22

Nao arutwa nîmaaroranirie mamakîte mûno nîûndû nîmaarigirwe Jesû eeciragîria mûndû ûrîkû.

Ciîko 17:16

Na rîrîa Paûlo eetererete Sailasi na Timotheo kûu Athene, nîwarakarire mûno nîûndû wa kwona ûrîa îtûûra rîu rîecûrîte mîvuanano.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.