Johana 13:20 - ÎVUKU RÎA ÛVORO MWARO

²⁰ Nie nîramwîra ûvoro wa ma atî, mûndû wa wonthe wamûkagîra mûndû ûrîa ndûmîte wa nanie nîanyamûkagîra. Nake mûndû wa wonthe ûnyamûkagîra nîwamûkagîra ûrîa wandûmire.”

Johana 13:20 ပူးပေါင်းရင်းမြစ်များ

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Maariko 9:37

“Mûndû wa wonthe ûgwataga kaana ta gaka ûgeni nîûndû wakwa, nî nie agwataga ûgeni. Na mûndû wa wonthe ûngwataga ûgeni, tî nie tu agwataga ûgeni, nwatî agwataga wana ûrîa wandûmire.”

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Luka 9:48

na akîmeera atîrî, “Mûndû wa wonthe ûgwataga mwana ûyû ûgeni nîûndû wa rîîtwa rîakwa, nînie ethagîrwa akîgwata ûgeni. Nake mûndû wa wonthe ûngwataga ûgeni, nî ûrîa wandûmire ethagîrwa akîgwata ûgeni. Mûndû ûrîa mûnini viû gatagatîrî kenyu muonthe, nîke mûnene gûkîra arîa engî onthe.”

Agal 4:14

Wana ethîrwa nîmwagîre na mathîna meengî nîûndû naarî mûrwaru, mûtiamena kana mûndiga. Nîmwanyamûkîre wata ûrîa mûngîamûkîra mûraika wa Ngai, kana ta Jesû Kristû ke mwene.

Akol 2:6

Nîûndû nîmwamûkîre Jesû Kristû, tûûrani mûrî kîndû kîmwe nake mûrî na ûrûmwe na Jesû Kristû, nîûndû mwîetîkîru atî ke nîke Mwathani wenyu.

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.