Johana 13:18 - ÎVUKU RÎA ÛVORO MWARO

¹⁸ “Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

Johana 13:18 ပူးပေါင်းရင်းမြစ်များ

Thaburi 41:9

Wana mûrata wakwa ûrîa mûnene na ûrîa nevokete mûno, ûrîa twarîcanagîra irio nake, nîangarûrûkîte.

Jeremia 41:2

Ishumaeli mûvîcî wa Nethania vamwe na andû arîa îkûmi, nîmaatharîkîre Gedalia mûvîcî wa Ahikamu na makîmûraga. Gedalia nîke wathuurîtwe nî mûthamaki wa Babuloni atuîke mûnene wa vûrûri ûcio.

Mathaayo 10:36

Andû a nyomba yaku nîo makethagîrwa marî nthû ciaku irîa nene.

Mathaayo 26:21

Na rîrîa maarîcaga Jesû nîwamerire atîrî, “Nîramwîra nama atî, ûmwe gatagatîrî kenyu nîakûnjukanîrîra.”

Mathaayo 26:23

Nake Jesû nîwamacokerie atîrî, “Ûmwe gatagatîrî kenyu ûrîa ûravokanîria mûgate thuvurî vamwe nanie nîke ûkûnjukanîrîra.

Maariko 14:17

Kîvwaî Kîam mûthenya wa ûcio, Jesû nîwakinyire marî na arutwa ake.

Maariko 14:18

Na rîrîa meekarîte metharî makîrîa irio, Jesû nîwamerire atîrî, “Nîramwîra na ma atî ûmwe gatagatîrî kenyu ûrîa ûrarîcanîra nanie nîakûnjukanîrîra.”

Maariko 14:20

Nake Jesû nîwamacokerie atîrî, “Nî ûmwe gatagatîrî kenyu mue îkûmi na aîrî ûrîa ûravokanîria mûgate thuvurî vamwe nanie.

Luka 22:21

“Nwatî menyani atî mûndû ûrîa ûkûnjukanîrîra arî vamwe nanie ava metharî îno!

Johana 13:21

Nake Jesû aarîkia kuga maûndû mau, nîwathînîkire mûno ngororî yake na akiuga cararûkû atîrî, “Nie nîramwîra na ma atî mûndû ûmwe gatagatîrî kenyu nîakûnjukanîrîra.”

Johana 13:22

Nao arutwa nîmaaroranirie mamakîte mûno nîûndû nîmaarigirwe Jesû eeciragîria mûndû ûrîkû.

Johana 13:26

Nake Jesû nîwamûcokerie atîrî, “Mûndû ûrîa ngûnengera mûgate ûrîa ngûvokithia thuvurî nîke ûkûnjukanîrîra.” Kwoguo Jesû nîwocire kînuku Kîam mûgate, agîkîvokithia na akînengera Judasi mûriû wa Simoni Mûsikariota.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Johana 15:19

Mûngîrî a gûkû nthî, andû nwa mamwendete. Nwatî namûthuurire kuuma kûrî andû a gûkû nthî na kwoguo mue mûtirî a gûkû nthî. Kîu nîkîo gîtûmaga andû a gûkû nthî mamûmene.

Johana 15:25

Naguo ûndû ûyû wekîkire nîguo ciugo ivinge irîa ciandîkîtwe wathorî wao atî: ‘Maamenire gûtarî na gîtûmi.’

Johana 17:12

Rîrîa naarî vamwe nao, nînaamamenyererete na vinya wa rîîtwa rîaku rîrîa wamvere. Nînaamagitîre na gûtirî mûndû wana ûmwe gatagatîrî kao waûrire tiga ûrîa warî wa kûûra nîguo mandîko matheru mavingue.

Johana 18:32

(Ûndû ûyû wekîkire nîguo maûndû mavinge marîa Jesû aarîtie megiî mûthemba wa gîkuû kîrîa agaakua.)

Johana 19:24

Athigari acio nîmaambîrîrie kwîrana atîrî, “Vandû va kûmîatûrana tigani tûmîûthîre nîguo tûmenye nî ûrîkû ûkûthiî nayo.” Ûndû ûyû wekîkire nîguo Mandîko Matheru mavinge marîa maugîte atî: “Nîmaagaanirie nguo ciakwa, na makîûthîra kanjû yakwa.” Na ûguo nwaguo athigari meekire.

Johana 19:36

Maûndû mama monthe meekîkire nîguo mandîko matheru mavinge marîa maugîte atî: “Gûtirî îvîndî rîake wana rîmwe rîkaaunangwa.”

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Johana 6:70

Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Ciîko 1:16

“Ariû na aarî a îthe wetû mue mwîtîkîtie Ngai, Mandîko marîa matheru nwanginya maarî mavingue marîa Roho Mûtheru aaririe na kanyua ka Daudi rîrîa aarathire ûvoro wîgiî Judasi. Judasi nîke watongoretie arîa maanyitire Jesû.

Ciîko 1:2

nginya rîrîa aavirirwe îgûrû. Mbere ya avirwa îgûrû, nîwavere andû arîa aathuurîte matuîke atûmwa ake kîrîra. Nake eekire ûguo avotithîtue nî Roho Mûtheru.

2Akor 4:5

Nîûndû tûtivunjagia ûvoro wetû tue ene, tûvunjagia Jesû Kristû nî Mwathani. Natue tûrî ndungata cienyu nîûndû wa Jesû.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.