Johana 13:17 - ÎVUKU RÎA ÛVORO MWARO

¹⁷ Rîu nîûndû nîmwamenya maûndû mama, mûkaarathimagwa ethîrwa mûkaamekaga!

Johana 13:17 ပူးပေါင်းရင်းမြစ်များ

Kîam 6:22

Nake Nuhu nîwekire maûndû monthe marîa aathîtwe nî Ngai eke.

Thaburi 19:11

Nî manthomithagia nie ndungata yaku, nî monaga maûndû maro rîrîa namaathîkîra.

Ntha 40:16

Musa nîwekire maûndû monthe wata ûrîa Ngai-Mûnene aamwathîte.

Nthi 29:18

Andû matarûmagîrîra ûrîa Ngai endaga matirî mîtugo mîaro, kûrathimwa nî mûndû ûrîa wathîkagîra watho wa Ngai.

Jeremia 11:6

Ngai-Mûnene nîwambîrire atîrî, “Anîrîra maûndû mama monthe matûûrarî ma Juda na tûcîrarî twa Jerusalemu. Îra andû a kuo megue maûndû marîa marî kîrîkanîrorî na mamavingie.

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Mathaayo 12:50

Mûndû wa wonthe wîkaga ûrîa Vava ûrîa ûrî Îgûrû endaga, nîke mûrwaiya na mwarwaiya na nîke nyanya.”

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Johana 15:14

Mwona mweka maûndû marîa nîmwathaga, nîmûgûtuîka arata akwa.

Aroma 2:13

Ngai ndatucaga andû athingu nîûndû wa kwîgua watho, nwatî amatucaga athingu nîûndû nîmekaga ûrîa watho uugîte.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Jakuvu 1:25

Nwatî andû arîa mathomaga waro watho ûrîa mûkinyanîru na ûrutaga mûndû ûkomborî, nîaûrûmagîrîra na akavingia ûrîa ugîte na tî kûthikîrîria na akîriganîrwa nîguo, andû acio nî arathime maûndûrî monthe marîa mekaga.

Jakuvu 4:17

Mûndû wa wonthe wîcî ûndû mwaro ûrîa agîrîrwe nî gwîka, nwatî ndawîkaga, nî evagia.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.