Johana 13:14 - ÎVUKU RÎA ÛVORO MWARO

¹⁴ Angîthîrwa nie Mwathani na Mwarimû wenyu nînamûthambia magûrû wa namue nwa nginya mûthambanagie magûrû.

Johana 13:14 ပူးပေါင်းရင်းမြစ်များ

Johana 11:2

Mariamu nîke vuvarî wacokire gwîtîrîria Mwathani maguta maanungaga waro na akîmûgiria na njuîrî ciake. Mûrwang'ina Lazaro nîke warî mûrwaru.

Ciîko 20:35

Nie nînîmwonetie maûndûrî monthe atî wata ûrîa naarutaga wîra nîrî na kîîo kîîngî wa namue nwa nginya mwîkage guo nîguo mûtethagie andû arîa matarî na vinya. Nie nînîmwîrîte mûririkanage ciugo irîa Mwathani Jesû ke mwene aaugire atîrî, ‘Nîkwîthagîrwa kûrî na gîkeno makîria mûndû akîvecana gûkîra akîvewa.’ ”

Aroma 12:10

Endanagani mûndû na ûrîa wîngî ta andû a ng'ina ûmwe. Vecanagani gîtîîo mûndû na ûrîa wîngî.

Aroma 12:16

Tûûrani mwîgucanîte mûndû na mûndû ûrîa wîngî. Mûtigetîîe, nwatî tumagani ûrata na andû arîa monekaga matarî îgweta. Tigagani kwîyona ta mûrî aûgî.

1Akor 12:3

Kwoguo nîrenda mûtaûkîrwe atî gûtirî mûndû waragia atongoretue nî Roho wa Ngai ûngiuga, “Jesû arogwatwa nî kîrumi!” Na gûtirî mûndû ûngiuga, “Jesû nî Mwathani” atatongoretue nî Roho Mûtheru.

1Akor 8:13

Kwoguo ethîrwa irio irîa ndîcaga nîitûmaga ariû na aarî a îthe wetû mevie, nie ndikaarîa nyama rîngî nîguo ndigatûme wana ûmwe wa ciao evie.

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Afil 2:11

na cionthe ikaumbûraga atî Jesû Kristû nî Mwathani, nîguo Ngai Îthe akumague.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

1Pet 4:1

Nîûndû Kristû nîwathînîkire kîîmwîrî, wa namue nwanginya mûgîcage na meciria ta marîa Kristû aarî namo, nîûndû mûndû ûrîa ûthînîkîte kîîmwîrî nîatiganîte na mevia.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”