Johana 13:13 - ÎVUKU RÎA ÛVORO MWARO

¹³ Mûmbîtaga Mwarimû na mûkambîta Mwathani. Rîrîa mûgwîka ûguo mwîthagîrwa mûkîaria ûvoro wa ma nîûndû nie nînie ke.

Johana 13:13 ပူးပေါင်းရင်းမြစ်များ

Jeremia 1:12

Ngai-Mûnene nîwacokire akîmbîra atîrî, “Nîwona waro, nîûndû nînîraroria mone ciugo ciakwa ikîvinga.”

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Luka 10:28

Nake Jesû nîwamwîrire atîrî, “We nîwacokia waro. Îkaga ûguo na nîûgûtûûra mwoyo.”

Luka 6:46

“Nîndûî gîtûmaga mûmbîte, ‘Mwathani, Mwathani,’ na mûtiîkaga maûndû marîa nîmwîraga mwîke?

Luka 7:43

Nake Simoni nîwacokerie Jesû atîrî, “Nie nîreciria mûndû ûcio wacamîrwe mbeca irîa ciarî nyîngî nîke wendire mûndû ûcio wamakovithîtie mbeca makîria.”

Johana 11:2

Mariamu nîke vuvarî wacokire gwîtîrîria Mwathani maguta maanungaga waro na akîmûgiria na njuîrî ciake. Mûrwang'ina Lazaro nîke warî mûrwaru.

Johana 11:28

Maritha aarîkia kuga ûguo nîwacokire akîthiî agîîta mwarwang'ina Mariamu na makîthiî vandû marî onga na akîmwîra atîrî, “Mwarimû nîwaûka na nîaragwîta.”

Johana 11:3

Kwoguo Mariamu na Maritha nîmaatûmanire Jesû akeerwe atîrî, “Mwathani, mûrata waku nîmûrwaru.”

1Akor 12:3

Kwoguo nîrenda mûtaûkîrwe atî gûtirî mûndû waragia atongoretue nî Roho wa Ngai ûngiuga, “Jesû arogwatwa nî kîrumi!” Na gûtirî mûndû ûngiuga, “Jesû nî Mwathani” atatongoretue nî Roho Mûtheru.

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

Aefeso 6:9

Wa namue athani, vecagani ngombo cienyu gîtîîo na mûtigage kûmekîra guoya. Menyagani atî mue na ngombo cienyu mûrî a Mwathani ûmwe ûrîa ûrî îgûrû, na atî ke atucagîra andû onthe cira atarî na kîmenyano.

Afil 2:11

na cionthe ikaumbûraga atî Jesû Kristû nî Mwathani, nîguo Ngai Îthe akumague.

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Jakuvu 2:19

Nîwîtîkîtie atî kûrî Ngai ûmwe tu. Ûguo nî waro! Ndaimono wana cio nîciîtîkîtie guo na nîcinainaga irî na guoya.