Johana 13:12 - ÎVUKU RÎA ÛVORO MWARO

¹² Jesû aarîkia kûmathambia magûrû, nîwacokirie nguo yake mwîrî îrîa eekagîra îgûrû na agîcoka varîa eekarîte metharî. Nake nîwamaûririe atîrî, “Nîmwataûkîrwa nî ûrîa namwîka?

Johana 13:12 ပူးပေါင်းရင်းမြစ်များ

Ezek 24:19

Nao andû nîmaambûririe atîrî, “Ûgîka ûndû ûyû ûrenda gûtwonia atîa?”

Ezek 24:24

Ezekieli nîagaatuîka rûûri kûrî mue. Mûgeeka maûndû monthe kûringana na ûrîa ke eekire. Rîrîa maûndû mau makaavinga nîmûgaacoka kûmenya atî nînie Mwathani Ngai-Mûnene.”

Mathaayo 13:51

Jesû nîwaûririe arutwa ake atîrî, “Maûndû mama nîmaramûtaûkîra?” Nao nîmaamûcokerie atîrî, “Ii nîmaratûtaûkîra.”

Maariko 4:13

Jesû nîwamerire atîrî, “Angîthîrwa mûtirataûkîrwa nî ngerekano îno, mûngîtaûkîrwa nî icio ciîngî atîa?

Luka 22:27

Nî mûndû ûrîkû wîthagîrwa arî mûnene viû; nî ûrîa wîkaraga metharî nîguo avirîrwe irio kana nî ûrîa ûviranagîra irio metharî? Na kinthî tî mûndû ûrîa wîkaraga metharî nîguo avirîrwe irio? Nwatî nie nîrî gatagatîrî kenyu mbîkariî ta ndungata yenyu.

Johana 13:4

Kwoguo rîrîa maarî metharî makîrîa Jesû nîwaûkîrire, akîruta nguo yake îrîa eekagîra îgûrû na akîîyova taurû kîûnûrî.

Johana 13:7

Nake Jesû nîwamûcokerie atîrî, “We rîu ndûramenya ûrîa nîreka, nwatî vuvarî ûgaataûkîrwa.”