Johana 12:40 - ÎVUKU RÎA ÛVORO MWARO

⁴⁰ “Ngai nîamatuîte atumumu, na akamaûmia ngoro, nîguo matikone na metho mao, na matigataûkîrwe ngororî ciao, wana matikanjokerere nîmavonie.”

Johana 12:40 ပူးပေါင်းရင်းမြစ်များ

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Luka 8:10

Nake nîwamacokerie atîrî, “Mue mûrî ave ûûgî wa kûmenya nthitho cia Ûthamaki wa Ngai, nwatî andû arîa engî mamenyithagua ûvoro na ngerekano, nîguo maroragie na matione wanarî kîndû, na megucage na matitaûkîrwe.”

Maariko 4:12

‘Kûroria maroragie, na matione; kwîgua megucage, na matitaûkîrwe. Nîûndû mangîtaûkîrwa, nwa macokerere Ngai, nake akamovera mevia mao.’ ”

Isaia 29:10

Nîûndû Ngai-Mûnene nîatûmîte mûnyitwe nî toro na mûmame toro ndito; nîavingîte metho menyu mue arathi, na nîakunîkîte ciongo cienyu, mue oni a maûndû.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Johana 9:39

Nake Jesû nîwaugire atîrî, “Nie naûkire gûkû nthî gûtucanîra ciira, nîguo atumumu mavote kwona na arîa monaga matuîke atumumu.”

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Ezek 12:2

“Mûndû, we ûtûûranagia na andû aremi. Marî na metho ma kwona nwatî mationaga, marî na matû ma kwîgua nwatî matiîgucaga,

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Thaburi 147:3

Ke nîavonagia arîa akuû ngoro, na akamova ironda ciao.

Thaburi 41:4

Nanie nînaugire atîrî, “Nîngwîvîrîtie we Ngai-Mûnene; mbîguîra ntha na ûmvonie.”

Thaburi 6:2

Ûûi Ngai-Mûnene, mbîguîra ntha nîûndû nîrî mûthiru vinya! Mbîkîra vinya, nîûndû nîrî mûthiru vinya viû,

Josh 11:20

Ngai-Mûnene nîwatûmîte matûûra mau monthe merutanîrie mûno kûrûa na andû a Isiraeli nîguo magaacûkangua viû na andû akuo maûragwe matakwîguîrwa ntha, nîûndû ûguo nîguo Ngai-Mûnene aathîte Musa.

Gûco 29:4

Nwatî nginya ûmûnthî Ngai-Mûnene nîwaregire mûtaûkîrwe nî maûndû marîa mwegwire na mûkîona.

Aroma 9:18

Kwoguo Ngai nîegucagîra ntha ûrîa enda kwîguîra, na ûrîa enda kûmia ngoro nîamûûmagia.

Ciîko 28:26

nîûndû nîwaugire atîrî, ‘Thiî na wîre andû aya atî: Mue mûkaathikagîrîria nwatî mûtigaataûkagîrwa. Mue mûkaaroragia nwatî mûtikoonaga,

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Ezek 14:9

“Mûrathi angîkaveenua na arie ûndû, nie Ngai-Mûnene nînie ngethîrwa nîmûveenetie. Nîngaakûnjûra njara yakwa nîmûrute kûrî andû akwa a Isiraeli.

Jeremia 5:21

Thikîrîriani mue irimû na andû aritu, mûrî na metho, nwatî mûtionaga, mûrî na matû, nwatî mûtiîgucaga.

Ciîko 15:3

Kwoguo kanitha nîyamaugîre ûvoro, nao makîvîtûkîrîra mavûrûrirî ma Foenike na Samaria makîvecaga andû ûvoro wîgiî ûrîa andû a ndûrîrî maagarûrûkîte. Naguo ûvoro ûcio nîwatûmire etîkia onthe makene mûno.

Maariko 6:52

nîûndû o matiarî ataûkîre nî gîtûmi gîa Kîamma kîu gîa kûvaithia arûme ngiri ithano, nîûndû ngoro ciao ciarî nyûmû.

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Ntha 14:17

Nanie nîngûmia ngoro cia andû a Misiri nîguo mamûrûmîrîrie, na nîngûgîa na gîtîîo nîûndû wa kûvoota mûthamaki wa Misiri, athigari a mbaara, ngari ciake cia mbarathi, na andû ake arîa mathiîcaga matwîte mbarathi.

Ntha 14:8

Nake Ngai-Mûnene nîwatûmire ngoro ya mûthamaki wa Misiri yûma, na akîrûmîrîra andû a Isiraeli arîa maathiîre marî na ûmîrîru.

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 7:13

Nwatî mûthamaki, eekarire aûmîtie ngoro na ndaathikîrîria Musa na Aroni wata ûrîa Ngai-Mûnene aaugîte.

Ntha 7:3

Nwatî nîngûtûma ngoro ya mûthamaki yûme na wana nîngîringa ciama na monanie morirû meengî atîa kûu vûrûrirî wa Misiri.

Ntha 4:21

Ngai-Mûnene nîwerire Musa rîngî atîrî, “Wona wacoka Misiri, ûkaaringa ciama cionthe irîa nie ngûvete vinya ûringe mbere ya mûthamaki. Nwatî Nîngaaûmia ngoro ya mûthamaki na ndageetîkîra andû a Isiraeli mathiî.

1Atha 22:20

Ngai-Mûnene nîwaûririe atîrî, ‘Nîûrîkû ûkûthiî aveenererie Ahabu nîguo etîkîre kûthiî nîguo akaûragîrwe Ramothi-gileadi?’ Wa mûraika nîwacokirie wa ûrîa eeciragia.

Ntha 9:12

Nwatî Ngai-Mûnene nîwatûmire ngoro ya mûthamaki wa Misiri îtuîke nyûmû na mûthamaki akîrega kûthikîrîria Musa na Aroni.

Ntha 10:1

Ngai-Mûnene nîwacokire akîra Musa atîrî, “Thiî ûkone mûthamaki wa Misiri. Nie nîndûmîte ngoro yake na ngoro cia anene ake ciûme, nîguo ngaavota kûringa ciama ciakwa gatagatî kao.

Ntha 11:10

Musa na Aroni maaringire ciama ino cionthe mbere ya metho ma mûthamaki. Nwatî Ngai-Mûnene nîwatûmîte ngoro ya mûthamaki yûme nîguo ndakarekererie andû a Isiraeli maume vûrûrirî wake mathiî.

Isaia 6:9

Kwoguo nîwambîrire atîrî, “Thiî ûvirîre andû aya ndûmîrîri îno: ‘Mûkathikagîrîria, nwatî mûtigaataûkîrwa. Mûkaroragia, nwatî mûtikaamenya.’ ”

Johana 12:39

Kwoguo andû matietîkia, nîûndû Isaia nwa waugire atîrî: