Johana 12:13 - ÎVUKU RÎA ÛVORO MWARO

¹³ Kwoguo nîmoocire mathîgî ma mîkîndû na makîthiî kûmûtûnga makîanagîrîra atîrî, “Hosana! Kûrathimwa nî ûrîa ûkîte na rîîtwa rîa Mwathani! Kûrathimwa nî Mûthamaki wa Isiraeli!”

Johana 12:13 ပူးပေါင်းရင်းမြစ်များ

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Alawi 23:40

Mûthenya wa mbere, nîmûgooca matunda marîa maro mûno kuuma mîtîrî yenyu ya matunda, mvûa cia mîtî ya mîkîndû, mvûa cia mîtî îrîa îrî mathangû meengî, na cia tûmîtî tûrîa tûrî maûa tûmeraga tûrûnjîrî na mûgaakumia Ngai-Mûnene, Ngai wenyu îvinda rîa mîthenya mûgwanja.

Zefania 3:15

Ngai-Mûnene nîathirîtie kûverithua kwenyu, na nîathengutîtie nthû cienyu cionthe. Ngai-Mûnene mûthamaki wa Isiraeli arî gatagatîrî kenyu; ndûgetigîra mathîna rîngî.

Mathaayo 23:39

Nie nîramwîra nama atî mue mûtikaamona nginyagia rîrîa mûkaauga atîrî, ‘Ngai arorathima ûrîa ûûkîte na rîîtwa rîa Mwathani.’”

Mathaayo 27:42

“Nîaratethûraga arîa engî, nwatî ndangîîtethûra! Ke nîke Mûthamaki wa Isiraeli. Nîerute mûtharavarî îgûrû, natue nîtûgwîtîkia atî ke nîke Mesaya.

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 12:14

Nake Jesû nîwonire njaû ya mvunda na akîthiî amîtwîte wata ûrîa mandîko matheru maugîte atî,

Johana 12:15

“Tigani gwîtigîra mue andû a îtûûra rîa Zayuni! Oneni Mûthamaki wenyu nîaûkîte, atwîte njaû ya mvunda.”

Johana 19:15

Nao Ayahudi nîmaaugîrîrie atîrî, “Mûrage! Mûrage! Mwambithie mûtharavarî!” Pilato nîwamaûririe atîrî, “Nîkwa mûrenda nyambithie mûthamaki wenyu mûtharavarî?” Nao anene a athînjîri-Ngai nîmaamûcokerie atîrî, “Tue tûtirî mûthamaki wîngî tiga mûthamaki wa Roma!”

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”

Kûguû 7:9

Vuva wa ûguo nie nînaroririe na ngîona kîrîndî Kîam andû gûtarî mûndû ûngîavotire kûmatara. Andû acio maaumîte mavûrûrirî monthe, mîvîrîgarî yonthe, irukarî cionthe, na nthiomirî cionthe. Nao onthe maarûngamîte vau mbere ya gîtî Kîam ûthamaki na ya Gatûrûme, mekîrîte nguo cia rangi njerû na manyitîte mathîgî ma mîkîndû njararî ciao.