Johana 11:54 - ÎVUKU RÎA ÛVORO MWARO

⁵⁴ Kwoguo Jesû ndaacoka kûthiî akîonagwa kûu Judea. Nîwaumire kuo na akîthiî îtûûrarî rîetagwa Efiraimu rîrîa rîarî vakuvî na werû na agîkara kuo marî na arutwa ake.

Johana 11:54 ပူးပေါင်းရင်းမြစ်များ

2Sam 13:23

Vuva wa mîaka îîrî, Abusalomu nîwenjaga ng'ondu ciake guoya kûu Baali-hazoru, na nîwetire anake a mûthamaki nîguo methîrwe marî vo. Baali-hazoru yarî vakuvî na îtûûra rîa Efiraimu.

2Maû 13:19

Abija nîwarûmîrîrie athigari a mbaara a Jeroboamu na nîwatavire matûûra ma Betheli, Jeshana na Efironi vamwe na icagi irîa ciarî vakuvî na matûûra mau.

Johana 10:40

Wa rîngî Jesû nîwacokire mûringo wa rûnjî rwa Jorodani kûrîa Johana aavatithanagîria mbererî. Jesû nîwekarire kuo,

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 7:1

Vuva wa ûguo, Jesû nîwathiîre Galili. Ke ndeendaga kûthiî Judea nîûndû Ayahudi arîa maarî kuo nîmeendaga kûmûraga.

Johana 7:10

Vuva wa arîa maaciaranîrîtue na Jesû kûthiî kîrugorî kîu, Jesû wa nake nîwathiîre nwatî ndathiî akîonagwa aathiîre na nthitho.

Johana 7:13

Nwatî gûtirî mûndû wana ûmwe waririe ûvoro ûmwîgiî andû makîgucaga, nîûndû nîmeetigagîra atongoria a Ayahudi.

Johana 7:4

Mûndû wa wonthe wendaga kûmenyekana ndathithaga andû maûndû marîa ke areka. Ethîrwa we nîûreka maûndû mama, tiga andû onthe makûmenye!”