Johana 11:51 - ÎVUKU RÎA ÛVORO MWARO

⁵¹ Kaiafa akiuga ûguo tîke weîrîte. Nwatî arî ta Mûthînjîri-Ngai ûrîa mûnene mwakarî ûcio, nîwarathire atî Jesû aarî akuîre rûrîrî rwa Ayahudi,

Johana 11:51 ပူးပေါင်းရင်းမြစ်များ

Ntha 28:30

Ûgeekîra Urimu na Thumimu nguorî ya kîthûri, nîguo Aroni athiîcage nacio rîrîa akûthiî mbere ya Ngai-Mûnene. Vîndî îrîa ekîrîte nguo ya kîthûri akaavotaga kûmenya ûrîa Ngai-Mûnene akwenda nîûndû wa andû a Isiraeli.

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Ndari 22:28

Ngai-Mûnene nîwavotithirie mvunda kwaria na îkîûria Balaamu, “Ngwîkîte atîa nîguo ûninge maita mau mathatû?”

Ndari 24:2

Balaamu nîwaroririe andû a Isiraeli na akîona wa mûvîrîga wambîte magema vandû va guo. Nîwatonyirwe nî Roho wa Ngai,

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Johana 10:15

wata ûrîa Vava ambîcî, nanie ngamenya Vava. Nînaruta mwoyo wakwa nîûndû wa cio.

Johana 11:49

Nwatî mûndû ûmwe wa arîa maarî vo wetagwa Kaiafa na warî Mûthînjîri-Ngai ûrîa mûnene mwakarî ûcio, nîwamerire atîrî, “Na kaî mûrî aritu-î!

Johana 18:13

Nîmaamwovire na makîmûvira kûrî Anasi ûrîa warî mûthoniwe wa Kaiafa na warî Mûthînjîri-Ngai mûnene mwakarî ûcio.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Joh 2:2

Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.

1Sam 23:9

Rîrîa Daudi aamenyire atî Saûlo aarî na mûvango wa kûmûtharîkîra, nîwerire Abiatharu mûthînjîri-Ngai atîrî, “Ndetere efodi ava.”

1Sam 28:6

Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.