Johana 11:44 - ÎVUKU RÎA ÛVORO MWARO

⁴⁴ Lazaro nîwaumire arî mwove na itamî njara na magûrû na akovwa na gîtamî ûthiû. Jesû nîwerire andû arîa maarûngamîte vo atîrî, “Mwovoreni na mûreke athiî.”

Johana 11:44 ပူးပေါင်းရင်းမြစ်များ

Kîam 1:3

Nake Ngai nîwaugire atîrî, “Nî kûgîe ûtheri;” nakuo nîkwagîre na ûtheri.

Thaburi 33:9

Nîûndû aaririe na nthî îkîgîa kuo, aathanire na indo cionthe ikîgîa kuo.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Maariko 5:43

Nake Jesû nîwamerire makave kîndû gîa kûrîa, na agîcoka akîmakaania na vinya matikeere mûndû wana ûrîkû ûvoro ûcio.

Luka 19:20

“Nayo ndungata îngî nîyakinyire na îkîmwîra atîrî, ‘Mûnene, îcukia mbeca îno yaku ya thaavu. Nie namîovire na gatambaa ngîmîthitha.

Luka 7:15

Nako kamwana kau nîkaaramûkire, gagîkara nthî na gakîambîrîria kwaria. Nake Jesû nîwacokire agîkanenganîra kûrî ng'ina.

Johana 10:30

Nie na Vava tûrî kîndû kîmwe.”

Johana 11:39

Nake nîwerire andû amwe arîa maarûngamîte vo atîrî, “Thengutiani îthiga vo!” Nwatî Maritha, mwarwang'ina na ûcio wakuîte nîwerire Jesû atîrî, “Mwathani, nîgûkûnunga naaî mûno nîûndû ke nîmûthiriu mîthenya îna kuuma athikwa!”

Johana 11:43

Arîkia kuga ûguo, nîwetanire na mûgambo mûnene atîrî, “Lazaro, uma!”

Johana 19:40

Nao andû acio aîrî nîmaakuuire mwîrî wa Jesû, makîwovania na cuka ya gatani na makîûminjîria ndawa kûringana na mûtugo wa kûthikana wa Ayahudi.

Johana 20:5

Nîwakuamîrîrie akîrorereria ndaarî na akîona cuka ya gatani îrî vau nthî, nwatî ndaatonya kuo.

Johana 20:7

nakîo gîtamî kîrîa Kîamrigicîte kîongo Kîam Jesû kîrî gîkûnje na gîkaigwa vandû ngûrani na varîa cuka yarî.

Johana 5:21

Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva.

Johana 5:25

Nie nîramwîra na ma atî îvinda nîrîkuvîvîriu na nîrîrîkîtie gûkinya. Îvinda rîîrî nîrîo akuû makeegua mûgambo wa Mûriû wa Ngai, na arîa makaawîgua nîmakaagîa na mwoyo.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

1Sam 2:6

Ngai-Mûnene nîke ûûragaga andû na nwake ûmavecaga mwoyo, nîke ûviraga andû kwa arîa akuû na akamaruta kuo.