Johana 11:39 - ÎVUKU RÎA ÛVORO MWARO

³⁹ Nake nîwerire andû amwe arîa maarûngamîte vo atîrî, “Thengutiani îthiga vo!” Nwatî Maritha, mwarwang'ina na ûcio wakuîte nîwerire Jesû atîrî, “Mwathani, nîgûkûnunga naaî mûno nîûndû ke nîmûthiriu mîthenya îna kuuma athikwa!”

Johana 11:39 ပူးပေါင်းရင်းမြစ်များ

Kîam 23:4

“Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 3:19

We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”

Thaburi 49:14

Mekaraga na magakua ta ng'ondu, gîkuû gîgaatuîka mûrîthi wao. Manyûrûrûkaga mbîrîrarî, kûu nîkuo mîîrî yao îkoorera, kwa arîa akuû gûgaatuîka mîciî yao.

Thaburi 49:7

Mûndû ndangîvota gwîkûûra ke mwene; kana avota kûrîva Ngai îrîvi rîa ûtûûro wake,

Thaburi 49:9

kûmûvotithia athiî na mbere na gûtûûra mwoyo, na ndagakue.

Maariko 16:3

Na marî njîrarî nîmaaûranagia atîrî, “Nû ûgaatûvingiritîria îthiga rîu rînene ûguo nîguo riumaume mûromorî wa mbîrîra?”

Johana 11:17

Rîrîa Jesû aakinyire, nîwethîre Lazaro arî mûthiriu mîthenya îna kuuma athikwa.

Ciîko 13:36

Vîndî îrîa Daudi aarî mwoyo, nîwavingirie wendi wa Ngai. Ke nîwacokire agîkua na akîthikwa, na mwîrî wake ûkîorera mbîrîrarî.

Ciîko 2:27

nîûndû we ndûkaandiganîria kwa arîa akuû; we ndûgetîkîra ûrîa waku mwîvokeku oorere mbîrîrarî.

2Akor 2:16

Kûrî andû arîa maraûra nî mûtararûko wa gîkuû, nwatî kûrî andû arîa maravonokua, nî mûtararûko wa mwoyo. Nî ûrîkû ûngîvota gwîka maûndû mama?

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.