Johana 11:27 - ÎVUKU RÎA ÛVORO MWARO

²⁷ Maritha nîwaugire atîrî, “Ii Mwathani! Nie nîmbîtîkîtie atî we nîwe Mesaya Mûriû wa Ngai ûrîa warî aûke gûkû nthî.”

Johana 11:27 ပူးပေါင်းရင်းမြစ်များ

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Mathaayo 11:3

Nao nîmaamûririe atîrî, “We nîwe ûrîa Johana aaugire nî ûgûka kana nîkwa tûgweterera wîngî?”

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Mathaayo 16:20

Nake Jesû nîwacokire agîkaania arutwa ake matikeere mûndû wana ûrîkû atî ke nîke Mesaya.

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 4:42

Nao nîmeerire mûndûmûka ûcio atîrî, “Rîu tue nîtwetîkia, tî nîûndû atî nîûtûrutîre ûira, nwatî nîûndû tue ene nîtweîguîra na matû metû na twamenya atî Jesû nîke Mûvonokia wa andû onthe a nthî.”

Johana 6:14

Rîrîa andû arîa maarî vo moonire Kîamma kîrîa Jesû aaringire, nîmaaugire atîrî, “Na ma ûyû nîke Mûrathi ûrîa warî aûke gûkû nthî!”

Johana 6:69

Tue nîtwîtîkîtie na tûkamenya atî we nîwe ûrîa Mûtheru kuuma kûrî Ngai.”

Ciîko 8:36

Na vîndî îrîa maanyûrûrûkîte na njîra îo, nîmaakinyire vandû vaarî na manjî, na mûndû ûcio akîîra Filipu atîrî, “Taroria! Manjî marî ava. Nîndûî kîngîgiria mvatithue?” [

Ciîko 8:37

Nake Filipu nîwamwîrire atîrî, “Ethîrwa we nîwîtîkîtie na ngoro yaku yonthe, nwa ûvatithue.” Nake mûndû ûcio nîwerire Filipu atîrî, “Nie nîmbîtîkîtie atî Jesû Kristû nîke Mûriû wa Ngai.”]

1Joh 5:1

Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.