Johana 11:26 - ÎVUKU RÎA ÛVORO MWARO

²⁶ na mûndû wa wonthe ûtûûraga mwoyo na ûmbîtîkîtie ndarî vingo agaakua. We nîwîtîkîtie ûguo?”

Johana 11:26 ပူးပေါင်းရင်းမြစ်များ

Mathaayo 26:53

Anga ndwîcî nwambîtie ûtethio kuuma kûrî Vava, na andûmîre athigari makîria ya ikundi îkûmi na igîrî cia araika.

Mathaayo 9:28

Na rîrîa Jesû aatonyire kûu nyomba, atumumu acio nîmaathiîre kûrî ke. Nake Jesû nîwamaûririe atîrî, “Mue nîmwîtîkîtie atî nie nwa nîmûvonie?” Nao nîmaamûcokerie atîrî, “Ii Mwathani!”

Maariko 9:23

Nake Jesû nîwerire îthe wa kamwana kau atîrî, “Atî angîthîrwa nwa mvote! Mûndû ûrîa wîtîkîtie nwa avote gwîka ûndû wa wonthe.”

Johana 10:28

Nie nînîivecaga mwoyo wa tene na tene, na itigaakua rî kana rî. Gûtirî mûndû ûngînjuna cio.

Johana 14:10

Filipu, ndûretîkia atî nie nîrî ndaarî ya Vava na Vava arî ndaarî yakwa? Nie, tînie nîîrîte ciugo irîa namwîra. Vava ûrîa wîkaraga ndaarî yakwa nîke wîkaga maûndû mama.

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Johana 6:47

Nie nîramwîra ûma: mûndû wa wonthe wîtîkîtie arî na mwoyo wa tene na tene.

Johana 9:35

Rîrîa Jesû eegwire ûrîa kwarîkîtie gwîkîka nîwacaririe mûndû ûcio na amwona akîmûria atîrî, “We nîwîtîkîtie Mûrû wa Mûndû?”

Aroma 8:13

Nîûndû mwatûûra mwathagwa nî maûndû ma mwîrî nîmûgaakua. Nwatî ethîrwa na njîra ya Roho nîmûkûûraga ciîko cienyu njûku irîa mwîkaga, nîmûgûtûûra mwoyo.