Johana 11:25 - ÎVUKU RÎA ÛVORO MWARO

²⁵ Jesû nîwamwîrire atîrî, “Nie nînie kûriûka na nînie mwoyo. Mûndû wa wonthe ûmbîtîkîtie wana akua nîagaatûûra mwoyo;

Johana 11:25 ပူးပေါင်းရင်းမြစ်များ

Thaburi 36:9

We nîwe ûvecanaga ûtûûro, na ûtheri waku nîguo ûtûmaga twone ûtheri.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Isaia 38:16

“Ûûi Mwathani, tue tûtûûragua nî maûndû monthe marîa wekire, na mau monthe nîmo matûmaga ndûûre. Ûûi, njokeria vinya wa mwîrî na ûmvotithie gûtûûra.

Luka 23:43

Nake Jesû nîwamwîrire atîrî, “Na ma nîrakwîra atî, ûmûnthî ûyû, nîwîthîrwa ûrî îkenero vamwe nanie.”

Johana 1:4

Ndaarî yake kwarî na mwoyo, naguo mwoyo nîguo warî ûtheri wa andû.

Johana 14:19

Vuva wa kavinda kanini andû a nthî tî macoka kûmona rîngî, nwatî mue mûkaamona; na nîûndû nîndûûraga mwoyo, wa namue nîmûgaatûûra mwoyo.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Johana 3:36

Mûndû wa wonthe wîtîkîtie Mûriû arî na mwoyo wa tene na tene; na mûndû wa wonthe ûregete kûmwîtîkia ndakaagîa na mwoyo, nwatî agatûûra averithagua nî Ngai.

Johana 5:21

Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva.

Johana 5:26

Na wata ûrîa Vava ke mwene arîke kiumo Kîam mwoyo, ûguo nwa ta guo atûmîte Mûriû atuîke kiumo Kîam mwoyo.

Johana 6:35

Nake Jesû nîwamerire atîrî, “Nie nînie mûgate wa mwoyo. Mûndû wa wonthe ûkaga kûrî nie ndakaavûta na mûndû wa wonthe ûmbîtîkagia, ndakaanyonda.

Johana 6:44

Gûtirî mûndû ûngîûka kûrî nie, tiga nwanga Vava ûrîa wandûmire andeterete ke. Nanie nîngaariûkia mûndû ûcio mûthenya wa mûthiia.

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Aroma 4:17

Mandîkorî matheru kwandîkîtwe atîrî, “Nie nîngûtuîte îthe wa ndûrîrî nyîngî.” Kwoguo kîîranîro kîu nî Kîamro methorî ma Ngai ûrîa wetîkîtue nî Iburahimu. Ke nî Ngai ûrîa ûriûkagia akuû na ûrîa ûtûmaga kûgîe na indo irîa itatûûraga kuo.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

1Akor 15:18

Wana rîngî nî kuga atî etîkia arîa maakwire metîkîtie Kristû nî kûra maaûrire.

1Akor 15:29

Ethîrwa akuû matikaariûkua, andû arîa mavatithagua vandûrî va akuû mageeka atîa? Ethîrwa akuû matikaariûkua andû mavatithagua vandûrî vao nîkî?

2Akor 4:14

Nîtwîcî atî Ngai ûrîa wariûkirie Mwathani Jesû nî agaatûriûkia vamwe na Jesû na atwige tûrî vamwe namue mbere yake.

Afil 1:23

Maûndû mau maîrî nîmarangucanîria. Nînîrerirîria mûno gûkua, nîguo ngatûûranie na Kristû nîûndû ûguo nîguo waro mûno.

Afil 3:10

Ûndû ûrîa mendaga nî kûmenya Kristû wa vamwe na vinya wa kûriûka gwake, ngwatanagîre nake mathînarî make na mbîkare take ûvororî wîgiî gîkuû gîake,

1Ath 4:14

Nîtwîtîkîtie atî Jesû nîwakwire na akîriûka. Kwoguo nîtwîtîkîtie atî Ngai nî akaarete vamwe na Jesû andû arîa makuîte mamwîtîkîtie.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 20:5

(Arîa engî onthe maakuîte matiacoka mwoyo nginya rîrîa mîaka ngiri îmwe yathirire.) Kûu nîkuo kûriûkua kwa mbere.

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.