Johana 10:8 - ÎVUKU RÎA ÛVORO MWARO

⁸ Arîa onthe maaûkire mbere yakwa nî aîi na acunani, nwatî ng'ondu itiamathikîrîria.

Johana 10:8 ပူးပေါင်းရင်းမြစ်များ

Jeremia 23:1

Ngai-Mûnene arauga atîrî, “Arîthi arîa maûragaga ng'ondu cia ndîthia yakwa, kaî marî na thîna-î!”

Ezek 34:2

“Mûndû, rathîra arîthi a Isiraeli na ûmere ûrîa nie Ngai-Mûnene Ngai mbugîte. Meere atî marî na thîna nîûndû merîthagia o ene. Anga arîthi matiagîrîrwe nî kûrîthia ng'ondu?

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Zakaria 11:16

Nînthurîte mûrîthi gûkû vûrûrirî. Mûrîthi ûcio ndamenyagîrîra ng'ondu irîa igûkua, kana irîa ciûrîte, kana ova irîa munîku, kana arîthia irîa irî na vinya. Vandû va ûguo, athînjaga na akarîa nyama cia ng'ondu irîa noru na agaatûranga mavûngû ma cio.

Johana 10:1

Jesû nîwaugire atîrî, “Na ma nîramwîra atî: mûndû ûrîa ûtavîtûkagîrîra kîvingorî agîtonya rwagarî rwa ng'ondu, nwatî atwîcagîra rwirigorî nî mwîi na nî mûcunani.

Johana 10:27

Ng'ondu ciakwa nîithikagîrîria mûgambo wakwa; nie nînîciîcî na nîinûmagîrîra.

Johana 10:5

Itingiuma mûndû wîngî vuva; vandû va ûguo nîkwa ingîûra nîke nîûndû itiîcî mûgambo wake.”

Ciîko 5:36

Ta ririkanani vîndî îrîa Theudayo aaumîrire. Ke eeîraga atî aarî mûndû wa vata na nîwagîre na arûmîrîri maarî kîndû ta magana mana. Nwatî vîndî îrîa ke aaûragirwe arûmîrîri onthe ake nîmaanyaganirie na gîkundi kîu gîkîthira.