Johana 10:36 - ÎVUKU RÎA ÛVORO MWARO

³⁶ Vava nîwanyamûrire na akîndûma gûkû nthî. Kwoguo nîndûî kîratûma muge nînaruma Ngai namwîra, ‘Nie nîrî Mûriû wa Ngai?’

Johana 10:36 ပူးပေါင်းရင်းမြစ်များ

Thaburi 2:2

Athamaki a nthî nîmevaragîria, nao atongoria a nthî makathiî ndundu nîguo maregane na Ngai-Mûnene na maregane na mûthamaki ûrîa Ngai-Mûnene athuurîte makiugaga atîrî,

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 42:3

Ndîkaauna kamûthanje kagondoku, kana îvoria rûtambi rûtagwakana waro. Îgaatucanagîra ciira na kîvooto.

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Jeremia 1:5

“Mbere ya ngûmba îvurî rîa nyûkwe nînagwîcî, na mbere ya ûciarwe nînakwamûrire; nînakûthuurire ûtuîke mûrathi kûrî mavûrûri.”

Mathaayo 27:43

Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Johana 10:35

Tue nîtuicî atî mandîko matheru maugaga ûma vîndî cionthe. Nake Ngai nîwetire andû acio maavunjîrue ndûmîrîri îo yake ngai cia mîvuanano.

Johana 17:18

Wa ta ûrîa wandûmire gûkû nthî, wa nanie nîguo namatûma.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 19:7

Nao Ayahudi nîmaamûcokerie atîrî, “Watho wetû ugaga atî ke aagîrîrwe nî kûûragwa nîûndû nîwîtuîte Mûriû wa Ngai.”

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Johana 3:17

Ngai ndaatûma Mûriû gûkû nthî nîguo atuîre andû, nwatî aamûtûmire gûkû nthî nîguo atuîke mûvonokia wa andû.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Johana 5:30

“Gûtirî ûndû nîngîka na vinya wakwa. Nducanagîra ciira kûringana na ûrîa Ngai ambîraga mbîke. Kwoguo îtua rîakwa nî rîa kîvooto nîûndû nie ndirageria kûvingia wendi wakwa, nwatî nîrageria kûvingia wendi wa ûrîa wandûmire.

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Johana 6:38

Nie naumire îgûrû ngîûka gûkû nthî nîguo mvingie wendi wa ûrîa wandûmire, nwatî tî wendi wakwa.

Johana 6:57

Nie natûmirwe nî Vava mûtûûra mwoyo na wa nanie ndûûraga mwoyo nîûndû wake. Na njîra wata îo mûndû wa wonthe ûrîcaga mwîrî wakwa nîatûûraga mwoyo nîûndû wakwa.

Johana 6:69

Tue nîtwîtîkîtie na tûkamenya atî we nîwe ûrîa Mûtheru kuuma kûrî Ngai.”

Johana 8:42

Nake Jesû nîwamerire atîrî, “Angîthîrwa na ma Ngai nîke Îthe wenyu, nîmûngîmendete nîûndû naaumire kûrî Ngai na rîu nîrî ava. Nie tînie netûmire nwatî Ngai nîke wandûmire.

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

Aroma 9:5

Nî a mbarî ya methe metû ma tene na Kristû ta mûndû, nwa wa rûrîrî rwao. Ngai ûrîa wathaga maûndû monthe arogoocwa tene na tene! Ameni.

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,