Johana 10:25 - ÎVUKU RÎA ÛVORO MWARO

²⁵ Nake Jesû nîwamacokerie atîrî, “Nie nîndîkîtie kûmwîra, nwatî mûtirambîtîkia. Maûndû marîa mbîkaga na rîîtwa rîa Vava nîmonanagia nie nîrî û;

Johana 10:25 ပူးပေါင်းရင်းမြစ်များ

Johana 10:32

Nwatî Jesû nîwamerire atîrî, “Mue mûrî onu ngîka maûndû meengî maro mvotithîtue nî Vava; gatagatîrî ka mo nî ûndû ûrîkû ûratûma mwende kûmbûraga?”

Johana 10:37

Angîthîrwa ndireka maûndû marîa Vava endaga mbîke, gûtirî na vata wa kûmbîtîkia.

Johana 10:38

Nwatî angîthîrwa nîreka maûndû marîa Vava endaga mbîke, nîkwagîrîrîte mwîtîkie maûndû marîa mbîkaga wana ethîrwa mûtirambîtîkia. Mwona mwetîkia maûndû marîa mbîkaga nîmûkûvota kûmenya waro atî nie na Vava tûrî kîndû kîmwe.”

Johana 11:47

Kwoguo Afarisai na anene a athînjîri-Ngai nîmaagomanire na Kîamma Kîam Ayahudi. Nao nîmaaûranirie atîrî, “Nîtwîka atîa? Mûndû ûyû nîararinga ciama nyîngî mûno!

Johana 12:37

Wana ethîrwa Jesû aarî mûringu ciama ino cionthe andû makîonaga, o matiamwîtîkia.

Johana 14:11

Namwîra atî nie nîrî ndaarî ya Vava na Vava arî ndaarî yakwa, mbîtîkiani. Ethîrwa tîmwîtîkia nîûndû wa ûguo, îtîkiani nîûndû wa maûndû marîa mbîkîte.

Johana 20:30

Kûrî ciama ciîngî nyîngî itarî îvukuurî rîîrî, irîa Jesû aaringire arutwa ake makîonaga.

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 7:31

Nao andû eengî nîmaamwîtîkirie na makiuga atîrî, “Rîrîa Mesaya agaaûka, nîakaaringa ciama nyîngî gûkîra irîa cianaringwa nî mûndû ûyû?”

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

Johana 8:56

Îthe wenyu Iburahimu nîwakenire agîîciria atî nîakoona îvinda rîrîa ngaaûka. Ke nîwarîonire na agîkena.”

Johana 8:58

Jesû nîwamacokerie atîrî, “Nîramwîra na ma atî Iburahimu atarî mûciare, ‘Nie naarî wa kuo.’ ”

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 2:22

“Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.