Johana 1:51 - ÎVUKU RÎA ÛVORO MWARO

⁵¹ Jesû nîwacokire akîmeera atîrî, “Nîramwîra ûvoro wa ma atî: nîmûkoona îgûrû rîkîvingûka nao araika a Ngai makiunûkia na makînyûrûrûka îgûrû rîa Mûrû wa Mûndû.”

Johana 1:51 ပူးပေါင်းရင်းမြစ်များ

Kîam 28:12

Nîwarotire akîona ngathî yumîte nthî îgakinya îgûrû na araika makaunûkagia na makanyûrûrûkaga nayo.

Ezek 1:1

Mûthenya wa gatano mweri wa kana mwaka wa mîrongo îthatû, nie mûthînjîri-Ngai Ezekieli mûvîcî wa Buzi, twatûûraga vamwe na Ayahudi arîa maarî îthamîriorî kûu Babuloni rûtererî rwa rûnjî rwa Kebari. Nîrî kûu nînonire îtu rîavingûka na ngîona kîoneki Kîam Ngai.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Mathaayo 26:24

Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”

Mathaayo 3:16

Nake Jesû aarîkia kûvatithua, nîwaumîrire manjîrî wa rîmwe. Narîo îgûrû nîrîavingûkire, na akîona Roho wa Ngai akînyûrûrûka ta ndutuura na agîkara îgûrû rîake.

Mathaayo 4:11

Nayo Ngoma îo nîyatigire Jesû; nao araika makîthiî kûmûtungatîra.

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Mathaayo 9:6

Nie nîngûmwonia atî Mûrû wa Mûndû arî na wathani gûkû nthî wa kwovera andû mevia.” Jesû nîwacokire akîîra mûndû ûcio wonjete ciîga ciake cia mwîrî atîrî, “Ûkîra woce ûrîrî waku na ûthiî mûciî!”

Maariko 1:10

Jesû aaumîra manjîrî warîo, nîwonire îgûrû rîavingûka na Roho Mûtheru akîmûnyûrûrûkîra ekariî ta ndutuura.

Maariko 14:62

Nake Jesû nîwamacokerie atîrî, “Îni, nînie ke. Na nîmûkoona Mûrû wa Mûndû ekarîte mwena wa ûrîo wa Ngai mwene vinya wonthe na agîûka arî matuurî ma îgûrû.”

Luka 2:13

Na wa rîmwe gîkundi kînene Kîam araika a îgûrû nîkîaumîrire kîrî vamwe na mûraika ûcio na gîgîkumia Ngai gîkiugaga atîrî:

Luka 2:9

Mûraika wa Mwathani nîwamaumîrîre wa rîmwe. Naguo riiri wa Mwathani nîwamatherere mîena yonthe, nao makîmaka mûno.

Luka 22:43

Na vîndî wa îo mûraika kuuma îgûrû nîwamumîrîre na akîmwîkîra vinya.

Luka 22:69

Nwatî kuuma rîu Mûrû wa Mûndû akethagîrwa ekarîte mwenarî wa ûrîo wa Ngai mwene vinya wonthe.”

Luka 24:4

Rîrîa maarûngamîte kûu ndarî marigarîtue nî ndeto îo, arûme aîrî arîa meekîrîte nguo ciakengaga mûno, nîmaamaumîrîre wa rîmwe na makîrûngama rwarurî rwao.

Luka 3:21

Rîrîa andû onthe maarîkirie kûvatithua, Jesû nîwacokire akîvatithua. Na vîndî îrîa avoyaga Ngai, îgûrû nîrîavingûkire

Johana 1:50

Nake Jesû nîwamwîrire atîrî, “Wetîkia tu nîûndû nînakwîra nîngwonire rîrîa ûrekarîte kîrururî Kîam mûkûyû? We nîûkwona maûndû meengî manene gûkîra mama!”

Johana 10:1

Jesû nîwaugire atîrî, “Na ma nîramwîra atî: mûndû ûrîa ûtavîtûkagîrîra kîvingorî agîtonya rwagarî rwa ng'ondu, nwatî atwîcagîra rwirigorî nî mwîi na nî mûcunani.

Johana 10:7

Kwoguo Jesû nîwamerire rîngî atîrî, “Nîramwîra na ma atî: Nie nînie kîvingo kîrîa ng'ondu ivîtûkagîrîra igîtonya.

Johana 13:16

Nîramwîra na ma atî gûtirî ngombo nene gûkîra mûmîathi, wana gûtirî mûnjaama mûnene gûkîra mûmûtûmi.

Johana 13:38

Nake Jesû nîwamûcokerie atîrî, “We wî mwîvarîriu gûkua nîûndû wakwa? Nie nîrakwîra na ma atî: mbere ya njamba ya ngûkû îgambe, nîûkwîthîrwa ûngaanîte maita mathatû.”

Johana 14:12

Nie nîramwîra na ma atî: mûndû wa wonthe ûmbîtîkagia ageekaga maûndû ta marîa mbîkaga, na ageekaga maûndû wana manene gûkîra mama nîûndû nînîrathiî kûrî Vava.

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.

Johana 16:23

“Rîrîa mûthenya ûcio ûgaakinya mûtikaambûria wanarî atîa. Nie nîramwîra na ma atî, Vava nîakaamûva kîndû wa kîonthe kîrîa mûkaamûvoya na rîîtwa rîakwa.

Johana 21:18

Nîrakwîra na ma atî vîndî îrîa warî mwîthî wevaragîria na ûkathiî wa kûrîa kuonthe wendaga, nwatî vîndî îrîa ûgaakûra ûgaatambûrûkia njara ciaku nake mûndû wîngî akwove na akûvire kûrîa ûtarenda kûthiî.”

Johana 3:3

Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”

Johana 3:5

Nake Jesû nîwamûcokerie atîrî, “Nîrakwîra na ma atî gûtirî mûndû ûngîtonya Ûthamakirî wa Ngai atambîte gûciarwa rîngî na manjî na Roho Mûtheru.

Johana 5:19

Kwoguo Jesû nîwamerire atîrî, “Nîramwîra na ma atî: gûtirî ûndû Mûriû ekaga eîrîte; ekaga wa ûrîa tu onaga Îthe agîka. Na wa ûrîa wonthe Îthe eekaga, wana Mûriû nîwîkaga.

Johana 5:27

Nake Vava nîavete Mûriû rûtha rwa gûtuîra andû ciira, nîûndû ke nî Mûrû wa Mûndû.

Johana 6:26

Nake Jesû nîwamacokerie atîrî, “Nîramwîra na ma atî mue mûranjaria nîûndû nîmûrarîre mîgate mûkîvaa, nwatî tî nîûndû atî nîmûrataûkîrwe nî ûrîa ciama ciakwa irendaga kwonania.

Johana 6:32

Nake Jesû nîwamerire atîrî, “Nie nîramwîra na ma atî Musa ndaamûva irio kuuma îgûrû. Ngai Vava nîke ûmûvecaga mûgate ûrîa wa ma kuuma îgûrû.

Johana 6:47

Nie nîramwîra ûma: mûndû wa wonthe wîtîkîtie arî na mwoyo wa tene na tene.

Johana 6:53

Nake Jesû nîwamerire atîrî, “Nie nîramwîra ûma: mwarega kûrîa mwîrî wa Mûrû wa Mûndû na mûnyue nthakame yake, mûtikaagîa na mwoyo ndaarî yenyu.

Johana 8:34

Nake Jesû nîwamerire atîrî, “Nîramwîra na ma atî, mûndû wa wonthe wîvagia, nî ngombo ya wîvia.

Johana 8:51

Nîramwîra na ma atî: mûndû wa wonthe wathîkagîra ciugo ciakwa ndagaakua.”

Johana 8:58

Jesû nîwamacokerie atîrî, “Nîramwîra na ma atî Iburahimu atarî mûciare, ‘Nie naarî wa kuo.’ ”

Ciîko 10:11

Nîwonire îgûrû rîvingûkîte na kîndû gîkiuma îgûrû gîkariî ta cuka nene îkînyûrûrûkua nthî înyitîtwe mîthiia yayo îna.

Ciîko 7:56

Nake nîwaugire atîrî, “Ta roriani! Nie nînîrona îgûrû rîvingûkîte na Mûrû wa Mûndû arûngamîte mwena wa ûrîo wa Ngai!”

2Ath 1:7

amûvurûkie na atûme mûthirwe nî mathîna mue arîa mûthînagua wa vamwe natue. Ngai ageeka ûguo rîrîa Mwathani Jesû akeyumîria kuuma îgûrû arî na araika ake arîa marî ûvoti,

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Juda 1:14

Enoku ûrîa warî wa rûciaro rwa mûgwanja kuuma kûrî Adamu nîwarathire ûvoro ûmegiî akiuga atîrî: “Mwathani nîagaaûka arî na ngiri nyîngî cia araika ake atheru,

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”