Johana 1:49 - ÎVUKU RÎA ÛVORO MWARO

⁴⁹ Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 1:49 ပူးပေါင်းရင်းမြစ်များ

Thaburi 110:1

Ngai-Mûnene nîwerire Mwathani wakwa atîrî, “Îkara nthî mwena wakwa wa ûrîo nginya rîrîa ngaatûma ûkinyangîre nthû ciaku na magûrû maku.”

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Zefania 3:15

Ngai-Mûnene nîathirîtie kûverithua kwenyu, na nîathengutîtie nthû cienyu cionthe. Ngai-Mûnene mûthamaki wa Isiraeli arî gatagatîrî kenyu; ndûgetigîra mathîna rîngî.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Mathaayo 14:33

Nao arutwa arîa maarî gatarûrî nîmaagoocire Jesû makiugaga atîrî, “Nî ma we ûrî Mûriû wa Ngai!”

Mathaayo 2:2

na makîûria andû atîrî, “Mwana ûrîa ûciarîtwe nîguo agaatuîka mûthamaki wa Ayahudi arî kû? Tue nîtûmenyithirue ûvoro wa gûciarwa gwake nî njata yumîte mwena wa îrathîro, na rîu twaûka kûmûgooca.”

Mathaayo 21:5

‘Îrani îtûûra rîa Jerusalemu atî, taroriani, Mûthamaki wenyu nî araûka kûrî mue, ke nîmûvoreri na akuuîtwe nî mvunda, na nî njaû ya mvunda!’ ”

Mathaayo 23:7

Nîmendaga gûkethua na gîtîîo thokorî na gwîtwa ‘arimû’ nî andû.

Mathaayo 23:8

Nwatî mue mûtiagîrîrwe nî gwîtwa ‘arimû,’ nîûndû mue muonthe mûrî ariû a îthe ûmwe na mûrî na mwarimû ûmwe tu.

Mathaayo 27:11

Jesû nîwarûngamire mbere ya mûnene wa thirikari ya Roma. Mûnene ûcio nîwamûririe atîrî, “We nîwe mûthamaki wa Ayahudi?” Nake Jesû nîwamûcokerie atîrî, “We nîwe wauga guo.”

Mathaayo 27:42

“Nîaratethûraga arîa engî, nwatî ndangîîtethûra! Ke nîke Mûthamaki wa Isiraeli. Nîerute mûtharavarî îgûrû, natue nîtûgwîtîkia atî ke nîke Mesaya.

Mathaayo 4:3

Nayo Ngoma nîyathiîre kûrî ke na îkîmwîra atîrî, “Ethîrwa nîwe Mûriû wa Ngai, atha mathiga mama matuîke mîgate!”

Maariko 15:32

Tiga twone Mesaya mûthamaki wa Isiraeli akîîruta kuuma mûtharavarî îgûrû na nîtûkûmwîtîkia.” Wana nginya acunani arîa maambîtwe vamwe nake nîmaamûrumire.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 19:38

Nao nîmaagoocaga Ngai makiugaga atîrî, “Kûrathimwa nî mûthamaki ûrîa ûkîte na rîîtwa rîa Mwathani! Thayû ûrogîa îgûrû nake Ngai akumue!”

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 1:34

Nie nînona maûndû mama magîkîka na nekîra ûira atî mûndû ûyû nî Mûriû wa Ngai.”

Johana 1:38

Jesû evûgûra, nîwamoonire mamûrûmîrîrîte na akîmaûria atîrî, “Nîndûî mûracaria?” Nao nîmaamûririe atîrî, “Rabii, Wîkaraga kû?” (“Rabii” nî kuga, “Mwarimû.”)

Johana 1:50

Nake Jesû nîwamwîrire atîrî, “Wetîkia tu nîûndû nînakwîra nîngwonire rîrîa ûrekarîte kîrururî Kîam mûkûyû? We nîûkwona maûndû meengî manene gûkîra mama!”

Johana 18:37

Pilato nîwamûririe atîrî, “Anga we ûrî mûthamaki?” Nake Jesû nîwamûcokerie atîrî, “We nîwe wauga atî nie nîrî mûthamaki. Nie naaciarirwe na ngîûka gûkû nthî nîûndû wa gîtûmi gîkî kîmwe, kwaria ûvoro wa ma. Na mûndû wa wonthe wîthagîrwa akîaria ûma nîambathîkagîra.”

Johana 4:31

Na kamwerua andû acio makinye, arutwa nîmaathaithaga Jesû etîkîre kûrîa irio makîmwîraga atîrî, “Mwarimû! Wenda tu rîa irio.”