Johana 1:48 - ÎVUKU RÎA ÛVORO MWARO

⁴⁸ Nake Nathanieli nîwamûririe atîrî, “We ûmbîcî atîa?” Nake Jesû nîwamûcokerie atîrî, “Nie nîngwonire rîrîa ûrekarîte kîrururî Kîam mûkûyû mbere ya Filipu agwîte.”

Johana 1:48 ပူးပေါင်းရင်းမြစ်များ

Isaia 65:24

Nîngegucaga mavoya mao wana mbere ya mamvoya, na ngaamacokagîria mavoya mao wana matarîkîtie kûvoya.

Mathaayo 10:3

Filipu na Batholomayo; Toma na Mathaayo ûrîa warî mwîtia mbia cia gooti; Jakovu mûrû wa Alufayo, na Thadayo;

Mathaayo 6:6

Nwatî vîndî îrîa mûkûvoya, tonyagani nyombarî cienyu, mûkavinga mîrango, na mûkavoya Îthe wenyu ûrîa ûtonekaga. Nake Îthe wenyu ûrîa wonaga maûndû marîa mwîkagîra nthithorî nîakaamûva iveo.

Johana 1:44

(Filipu aarî wa kuuma îtûûrarî rîa Bethisaida, kûrîa Enderea na Simoni maatûûraga).

Johana 12:21

Nao nîmaathiîre kûrî Filipu (ûrîa warî wa kuuma Bethisaida gîcunjîrî Kîam Galili) na makîmwîra atîrî, “Mûthuuri ûyû, nîtûrenda kwona Jesû.”

Johana 14:8

Nake Filipu nîwerire Jesû atîrî, “Mwathani, twonie Vava, na nîtûkwîgua tweganîra.”

Johana 2:25

Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.

Johana 6:5

Rîrîa Jesû aaroririe akîona andû eengî mathiîte varîa aarî, nîwaûririe Filipu atîrî, “Nîtûruta irio cia kûrîwa nî andû aya onthe kû?”

Johana 6:7

Filipu nîwacokerie Jesû atîrî, “Mîgate ya dinarii magana maîrî ndîngîgana andû aya onthe wana wa mûndû angîvewa gacunjî kanini atîa.”

1Akor 14:25

Namo maûndû ma nthitho marîa marî ngororî ciao nîmakûguûrua. Kwoguo nîmakwînamîrîra na magooce Ngai makiugaga atîrî, “Na ma Ngai arî ava gatagatîrî kenyu!”

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.