Johana 1:34 - ÎVUKU RÎA ÛVORO MWARO

³⁴ Nie nînona maûndû mama magîkîka na nekîra ûira atî mûndû ûyû nî Mûriû wa Ngai.”

Johana 1:34 ပူးပေါင်းရင်းမြစ်များ

Thaburi 2:7

Mûthamaki arauga atîrî, “Nie ngaanîrîra ûrîa Ngai-Mûnene augîte. Ngai-Mûnene aambîrire atî, ‘Ûmûnthî nîwatuîka mûvîcîwa, nanie nînatuîka aguo.

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Mathaayo 27:40

“Ooo! We nîûngîomomorire hekarû na ûmîtume rîngî na mîthenya îthatû. Îîtethûre na wîrute mûtharavarî ethîrwa we wî Mûriû wa Ngai.”

Mathaayo 27:43

Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

Mathaayo 4:3

Nayo Ngoma nîyathiîre kûrî ke na îkîmwîra atîrî, “Ethîrwa nîwe Mûriû wa Ngai, atha mathiga mama matuîke mîgate!”

Mathaayo 4:6

Nayo nîyamwîrire atîrî, “Ethîrwa we nîwe Mûriû wa Ngai, îîrivanie nthî, nîûndû mandîko matheru maugîte atîrî, ‘Ngai nîakaatha araika ake makûmenyerere; nao nîmagagûtavîria na njara ciao, nîguo ndûkaringwe kûgûrû nî îthiga.’ ”

Mathaayo 8:29

Na wa rîmwe andû acio nîmaaugîrîrie atîrî, “Ûrenda atîa natue we Mûriû wa Ngai? We waûka gûtûverithia îvinda rîrîa rîagîrîru rîtarî rîkinyu?”

Maariko 1:1

Gîkî nîkîo Kîammbîrîria Kîam Ûvoro Mwaro wîgiî Jesû Kristû, Mûriû wa Ngai

Maariko 1:11

Naguo mûgambo nîwaumire îgûrû ûkiuga atîrî, “We nîwe Mûrû wakwa ûrîa mendete, nîrîmûkenie mûno nîwe.”

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 3:22

na Roho Mûtheru akîmûnyûrûrûkîra ekariî ta ndutuura. Naguo mûgambo nîwaumire na îgûrû ûkiugaga atîrî, “We nîwe Mûrû wakwa ûrîa mendete; nie nîngenetue nîwe.”

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 10:30

Nie na Vava tûrî kîndû kîmwe.”

Johana 10:36

Vava nîwanyamûrire na akîndûma gûkû nthî. Kwoguo nîndûî kîratûma muge nînaruma Ngai namwîra, ‘Nie nîrî Mûriû wa Ngai?’

Johana 11:27

Maritha nîwaugire atîrî, “Ii Mwathani! Nie nîmbîtîkîtie atî we nîwe Mesaya Mûriû wa Ngai ûrîa warî aûke gûkû nthî.”

Johana 19:7

Nao Ayahudi nîmaamûcokerie atîrî, “Watho wetû ugaga atî ke aagîrîrwe nî kûûragwa nîûndû nîwîtuîte Mûriû wa Ngai.”

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Johana 6:69

Tue nîtwîtîkîtie na tûkamenya atî we nîwe ûrîa Mûtheru kuuma kûrî Ngai.”

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

2Akor 1:19

Nîûndû Jesû Kristû Mûriû wa Ngai, ûrîa twamûvunjîrie tûrî nie, Sailasi, na Timotheo, ndarî “Ii” na “naarî”. Kûrî Kristû kwîthagîrwa vîndî cionthe kûrî “Ii”,

Ahib 7:3

Melikizedeki ndaarî îthe, ng'ina, ndaarî rûciaro rwake, gûtirî mûndû wîcî rîrîa Melikizedeki aaciarirwe kana rîrîa aakwire. Ekariî ta Mûriû wa Ngai na nîatûûra arî mûthînjîri-Ngai nginya tene na tene.

1Joh 2:23

Mûndû wa wonthe ûregete Mûriû nîaregete wana nginya îthe. Mûndû wa wonthe wîtîkîrîte Mûriû nîetîkîrîte îthe wanake.

1Joh 3:8

Mûndû wa wonthe wîvagia nî wa Ngoma nîûndû Ngoma îtûûraga îvagia kuuma wa Kîammbîrîria. Kîrîa gîatûmire Mûriû wa Ngai aûke, nî gûcûkangia wîra wa Ngoma.

1Joh 4:9

Ngai nîwonanirie ûrîa atwendete na njîra îno; ke nîwatûmire Mûrû wake wa mûmwe gûkû nthî nîguo tûgîe mwoyo nîûndû wake.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

2Joh 1:9

Mûndû wa wonthe ûreganîte na kîrîra gîa Kristû na akathiî agakîria njano, ndethagîrwa arî na Ngai. Nwatî ûrîa ûrûmagîrîra kîrîra gîa Kristû ethagîrwa arî na îthe wana Mûriû.

Kûguû 2:18

“Andîka kûrî mûraika wa kanitha ûrîa ûrî Thîatira atîrî: “Îno nîyo ndûmîrîri kuuma kûrî Mûriû wa Ngai, ûrîa ûrî na metho makanîte ta mwaki mûkengu mûno. Nacio nyarîrî ciake ikengaga ta cuuma ya gîcango.