Johana 1:21 - ÎVUKU RÎA ÛVORO MWARO

²¹ Nao nîmaamûririe atîrî, “We wî û vi? We wî Elija?” Nake Johana nîwamacokerie atîrî, “Naarî, nie tînie ke.” Nao nîmaamûririe atîrî, “We nîwe Mûrathi?” Nake Johana nîwamacokerie atîrî, “Naarî.”

Johana 1:21 ပူးပေါင်းရင်းမြစ်များ

Malaki 4:5

“Taroria, mbere ya mûthenya ûcio mûnene na wa kûmakania ûkinye nîngaatûma mûrathi Elija.

Mathaayo 11:14

Ethîrwa mue nîmûgwîtîkia ndûmîrîri yao, Johana nîke Elija ûrîa maaugire nîagaaûka.

Mathaayo 16:14

Nao nîmaamûcokerie atîrî, “Andû amwe maugaga atî nî Johana Mûvatithania, engî makauga nî Elija, nao engî makauga atî nî Jeremia kana ûmwe wa arathi.”

Mathaayo 21:11

Nakîo kîrîndî nîgîacokirie atîrî, “Ûyû nîke Jesû ûrîa mûrathi, kuuma îtûûrarî rîa Nazarethi, rîrîa rîrî Galili.”

Luka 1:17

Nîakaathiî mbere ya Mwathani arî na Roho na vinya wata mûrathi Elija. Nîagaatûma methe mendane na ciana ciao; na acoke agarûre andû arîa aremi magîe na ûûgî wata wa andû arîa athingu na avarîrie andû nîguo meterere Mwathani.”

Johana 1:22

Kwoguo athînjîri-Ngai na Alawi nîmaamwîrire atîrî, “Twîre vi we wî û, nîûndû nwa nginya tûvire macokio kûrî atongoria arîa matûtûmire. Nî ûvoro ûrîkû ûngiuga ûkwîgiî?”

Johana 1:25

nîmaacokire makîûria Johana atîrî, “Angîthîrwa we tîwe Mesaya, kana Elija, kana Mûrathi, ûvatithanagia nîkî?”

Johana 6:14

Rîrîa andû arîa maarî vo moonire Kîamma kîrîa Jesû aaringire, nîmaaugire atîrî, “Na ma ûyû nîke Mûrathi ûrîa warî aûke gûkû nthî!”

Johana 7:40

Andû amwe arîa maarî vo nîmegwire akiuga ûguo na makiuga atîrî, “Na ma mûndû ûyû nî Mûrathi!”