Johana 1:16 - ÎVUKU RÎA ÛVORO MWARO

¹⁶ Nîtûnyitîte irathimo nyîngî mûno kuuma wegarî ûcio wake mwîngî.

Johana 1:16 ပူးပေါင်းရင်းမြစ်များ

Thaburi 84:7

Nîmathiîcaga na mbere kûgîa vinya, nîmakoona Ngai ûrîa mûnene gûkîra ngai irîa kûu Zayuni.

Zakaria 4:7

Gûtirî kîndû gîgaakûrigîrîria wana kîethîrwa kîrî kînene ta kîrîma, nwatî nîgîkaavaraganua. We nîûgatuma hekarû rîngî, na ûkîmîrîkia andû nîmakaugîrîria atîrî, “Nî mbaro! Nî mbaro!”

Mathaayo 13:12

Nîûndû mûndû ûrîa wîna kîndû nîakoongererwa na ciîngîve mûno makîria; nwatî mûndû ûrîa ûtarî na kîndû, nîagaacunwa wana kîndû kîrîa kînini arî nakîo.

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Mathaayo 3:14

Nwatî Johana nîwageririe kûmûgiria akîmwîraga atîrî, “Ûraûka kûrî nie nîkî na nînie mbagîrîrwe nî gûka kûrî we nîguo ûmvatithie?”

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Aroma 5:17

Ethîrwa mevia ma mûndû ûmwe nîmaatûmire gîkuû kîthamaka nîûndû wa mûndû ûcio, andû arîa makinyagîrwa nî wega ûcio na makamûkîra kîveo Kîam ûthingu, nîmakaathana na matûûre mwoyo na njîra ya Jesû Kristû.

Aroma 5:2

Nîûndû wa gwîtîkia, ke nîatûmîte tûgîe na wega wa Ngai ûrîa tûrî naguo rîu. Kwoguo nîtûkenaga nîûndû wa kîîrîgîrîro kîrîa tûrî nakîo gîa gûkagaa riiri wa Ngai.

Aroma 5:20

Watho wekîrirwe nîguo andû mevie mûno. Nwatî wa ûrîa mevia mongererekaga, wega wa Ngai nîwongererekaga makîria.

Aroma 8:9

Nwatî mue mûtiathagwa nî mîîrî yenyu mwathagwa nî Roho, ethîrwa nama Roho wa Ngai atûûraga ndaarî yenyu. Mûndû wa wonthe wîthagîrwa atarî na Roho wa Kristû ûcio tî wake.

Aefeso 1:23

Kanitha nî mwîrî wa Kristû, na nîîcûrîtwe nî Kristû ûrîa arî ke wîcûru wa maûndû monthe marîa marî kûndû kuonthe.

Aefeso 3:19

Mûromenya wendo wa Kristû wana gûtuîka ndûngîmenyeka viû nîguo mûgîe na wîcûru wa Ngai.

Akol 1:19

Nîûndû Ngai nîwonire kûrî kwagîrîru Mûriû ethîrwe ekariî take viû.

Akol 2:3

Naguo Mûthithû wa ûûgî na ûmenyo nîûthithîtwe varî Kristû.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.