Johana 1:13 - ÎVUKU RÎA ÛVORO MWARO

¹³ Nao matiatuîka ciana cia Ngai na njîra îrîa andû maciaragwa, kana vinya wa mûndû wana kana wendi wa mûndû, nwatî Ngai ke mwene nîke watûmire matuîke ciana ciake.

Johana 1:13 ပူးပေါင်းရင်းမြစ်များ

Kîam 25:22

Îvu rîu rîarî rîa mathatha, na mbere ya aciara, ciana icio nîciagianaga. Rebeka nîweyûragia gîtûmi Kîam ûndû ûcio wîkîke. Kwoguo nîwathiîre kûrî Ngai-Mûnene kûmûria gîtûmi Kîam ûndû ûcio.

Kîam 25:28

Isaka nîwendete Esaû nîûndû nîwakenaga akîrîa nyama cia nyamû irîa Esaû aaûragaga, nwatî Rebeka eendete Jakovu.

Kîam 27:33

Isaka nîwambîrîrie gûtetema mwîrî wonthe na akîûria atîrî, “Nîûrîkû ûragire nyamû na andetere? Nînarîa nyamû îo wa rîu ûtarî ûrakinya na nînamûrathima, na nîatûûra arî mûrathime tene na tene.”

Kîam 27:4

Ûcoke ûke ûndugîre irio mbaro irîa mendete, ûndetere ndîe, nîguo ngûrathime mbere ya ngua.”

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Mathaayo 3:9

Mûtigecirie atî mûtikaaverithua mûkîîraga atî Iburahimu nî îthe wenyu wa tene. Nîramwîra ûguo nîûndû Ngai nwa atûme rûciaro rwa Iburahimu rûciarwe kuuma mathigarî mama.

Johana 3:3

Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”

1Akor 3:6

Nie nînavandire mbegû, Apolo nîwetîrîrie mîmera manjî, nwatî Ngai nîke wamîvotithirie gûkûra.

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

Tito 3:5

nîwatûvonokirie. Tûtiavonokirue nîûndû wa ûrîa twekîte ciîko mbaro, nwatî nîûndû wa ntha ciake. Aatûvonokirie na njîra ya Roho Mûtheru ûrîa watûtheririe, agîtûciara rîngî na agîtûva mwoyo mûcerû.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

1Pet 1:23

Nîûndû na njîra ya kiugo Kîam Ngai kîrîa kîrî mwoyo nîmûciarîtwe rîngî ta ciana cia mûciari ûrîa ûtakucaga, nwatî atûûraga tene na tene.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

1Pet 2:2

Tuîkagani ta tûkenge. Vîndî cionthe nyondagîrani îriia rîrîa rîtheru rîa Kîîroho nîguo mwarînyua mûkûre na mûvonokue.

1Joh 3:9

Gûtirî mwana wana ûmwe wa Ngai ûthiîcaga na mbere kwîvia nîûndû arî na Ûngai. Ke ndevagia nîûndû Ngai nîke Îthe.

1Joh 4:7

Arata akwa, nîtwendanageni mûndû na ûrîa wîngî nîûndû wendo umaga kûrî Ngai. Mûndû ûrîa wendanaga nî mwana wa Ngai, na ke nîwîcî Ngai.

1Joh 5:1

Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.

1Joh 5:18

Nîtwîcî atî gûtirî mwana wa Ngai wîkaraga akîvagia, nîûndû Mûriû wa Ngai nîamûgitagîra, na ûrîa mûcûku ndangîmwîka naaî.

1Joh 5:4

Nîûndû mûndû wa wonthe ûciarîtwe nî Ngai nîmûvootu nthî. Tûvootaga nthî na njîra ya wîtîkio.