Johana 1:10 - ÎVUKU RÎA ÛVORO MWARO

¹⁰ Kiugo aarî gûkû nthî, nwatî wana ethîrwa Ngai aaûmbire nthî na njîra yake, andû a gûkû nthî matiamwîtîkîra.

Johana 1:10 ပူးပေါင်းရင်းမြစ်များ

Kîam 16:13

Hagari nîweyûririe atîrî, “Nîkwa monete Ngai na ngatûûra mwoyo?” Kwoguo Hagari nîwetire Ngai-Mûnene ûcio wamwarîrie, “Ngai ûrîa wonaga.”

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 18:33

Rîrîa Ngai-Mûnene aarîkirie kwaria na Iburahimu nîwathiîre, nake Iburahimu akînûka.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Johana 1:11

Kiugo aathiîre vûrûrirî wake mwene na andû ake mwene matiamûnyita ûgeni.

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 1:3

Indo cionthe ciaûmbirwe nî Ngai na njîra ya Kiugo na gûtirî kîndû wana kîmwe Kîamûmbirwe Kiugo atarî vo.

Johana 1:5

Ûtheri nîûkengaga ndumarî, na nduma ndîanaûvoota.

Johana 17:25

Vava Mûthingu! Andû a gûkû nthî matigwîcî, nwatî nie nîngwîcî na nginya acio wamvere nîmaicî atî we nîwe wandûmire.

Johana 5:17

Nwatî Jesû nîwerire Ayahudi atîrî, “Vava nîarutaga wîra vîndî cionthe na wa nanie nwa nginya ndute wîra.”

Ciîko 14:17

Nwatî vîndî cionthe ke nîwîthîrîtwe akîonania na ma atî arî kuo na njîra ya maûndû maro marîa ekaga kûrî andû. Ke nîke urithagia mbura kuuma îgûrû na akamûva imera mavinda marîa magîrîru. Ke nîke ûmûvecaga irio na agecûria ngoro cienyu na gîkeno.”

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

1Akor 2:8

Gûtirî mûnene wana ûmwe wa gûkû nthî wamenyire ûûgî ûcio. Nîûndû mangîaûmenyete matingîambire Mwathani ûrîa ûrî riiri mûtharavarî îgûrû.

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

Akol 1:16

Nîûndû Ngai aaûmbire indo cionthe na njîra yake, indo irîa irî îgûrû na irîa irî nthî, irîa cionekaga na irîa itonekaga, moonene monthe, mothamaki wana maavinya. Indo cionthe ciaûmbirwe na njîra yake na nîûndû wake.

Ahib 11:3

Nîûndû wa wîtîkio nîtûmenyaga atî Ngai aaûmbire nthî na îgûrû na njîra ya kiugo gîake. Kwoguo kîrîa kîonekaga Kîamthondekirwe kuumana na kîrîa gîtonekaga.

1Joh 3:1

Oneni wendo ûrîa wîngîvîte ûrîa Îthe wetû atwendete naguo atî twîtagwa ciana cia Ngai na nîguo tûrî. Kîrîa gîatûmire nthî yaga gûtûmenya nî atî ndîaicî Ngai.