Joeli 3:4 - ÎVUKU RÎA ÛVORO MWARO

⁴ “Mûrenda gwîka atîa mue Turo na Sidoni na kûu Filisiti kuonthe? Kûrî na ûndû mûrerîvîrîria? Ethîrwa nîkwa mûrerîvîrîria, nie nîngûmûrîvîrîria wa rîmwe.

Joeli 3:4 ပူးပေါင်းရင်းမြစ်များ

2Maû 21:16

Ngai-Mûnene nîwatûmire Afilisiti na Arabu arîa maatûûraga vakuvî na Ethiopia marakarue nî Jehoramu.

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Isaia 34:8

Nîûndû Ngai-Mûnene arî na mûthenya wa kwîrîvîrîria, mwaka ûrîa akarîvîrîria Zayuni kuuma kûrî nthû ciayo.

Isaia 59:18

Akaaverithia nthû ciake kûringana na ciîko ciao, akaaverithia nthû ciake na marakara, wana irîa irî mavûrûrirî ma kûraca.

Jeremia 47:1

Ndûmîrîri ya Ngai-Mûnene îgiî Afilisiti nîyakinyîre mûrathi Jeremia, mbere ya mûthamaki wa Misiri atharîkîra îtûûra rîa Gaza.

Jeremia 47:4

Mûthenya nî mûkinyu wa kûûraga Afilisiti onthe, kûthiria ûtethio wonthe ûrîa watigarîte kuuma Turo na Sidoni. Nîûndû Ngai-Mûnene nîaracûkangia Afilisiti, andû onthe arîa matigarire gîcîgîrîrarî gîa Kirete.

Jeremia 51:6

Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

Joeli 2:10

Nthî nîîratetema mbere yao îgûrû nîrîrainaina. Riûa na mweri nîiratuîka nduma, nacio njata nîitigîte kûruta ûtheri.

Joeli 2:2

Ûcio nî mûthenya wa nduma na kîeva, mûthenya wa matu na nduma nene. Ngige nyîngî nîciûkîte, ciîkariî ta nduma îtambûrûkîte irîmarî. Gûtianethîrwa kûrî na tayo wanarî vanini, na ndîkoonekana rîngî kûrî njiarwa cionthe igaûka.

Mathaayo 11:21

“Na kaî mue andû a Korazini mûrî na thîna-î, wanamue andû a Bethisaida kaî mûrî na thîna-î! Nîûndû ciama irîa ciaringîîrwe kwenyu ingîaringirwe Turo na Sidoni, andû a kuo nîmangîeririre mevia mao tene. Nao nîmangîekîrire nguo ciao cia macakaya na makeminjîria mûu nîguo moonanie atî nîmerira mevia mao.

Mathaayo 11:22

Nîramwîra na ma, atî mûthenya wa îtuîro Ngai nîakeeguîra andû a Turo na Sidoni ntha nyîngî kûmûkîra.

Luka 10:13

“Mue andû a îtûûra rîa Korazini! Na kaî mûrî na thîna-î! Wa namue andû a îtûûra rîa Bethisaida! Na kaî mûrî na thîna-î! Nîûndû angîthîrwa ciama îrîa ciaringirwe matûûrarî menyu ciaringirwe matûûrarî ma Turo na Sidoni, andû akuo mangîekarire nthî tene, mageekîra nguo cia macakaya, na makeminjîria mûu nîguo monanie atî nîmeerirîte mevia mao!

Luka 10:14

Mûthenya wa îtuîro, Ngai nîakeeguîra andû a matûûra ma Turo na Sidoni ntha nyîngî gûkîra ûrîa ke akaamwîguîra.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Ciîko 9:4

Nake nîwarivanire nthî na akîgua mûgambo ûkîmwîra atîrî, “Saûlo, Saûlo! Ûnyariraga nîkî?”

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

2Ath 1:6

Ngai nîageka ûrîa kwagîrîre. Nîagaatûma arîa mamûthînagia mone mathîna,

Atir 11:12

Jefitha nîwacokire agîtûma anjaama kûrî mûthamaki wa Aamoni makamwîre atîrî, “Nî atîa tûkûvîtîrîtie, atî nîguo ûke ûrûe na andû a vûrûri wakwa?”