7 Marûaga ta arûi a mbaara matûcaga nthingo ta athigari. Mathiîcaga marûmanîrîrîte, na maticenjagia njîra ciao.
“Saûlo na Jonathani marî mwoyo maarî a kwendeka na ega mûno, gûkua kana kûvona matiatigana; Maarî na îvenya gûkîra nderi, maarî na vinya gûkîra mînyambû.
Mûthenya ûcio Daudi nîwerire andû ake atîrî, “Mûndû wa wonthe ûmenete Ajebusi na ûngîenda kûmaûraga, nîaunûkîrîrie mûtarorî wa manjî athiî akatharîkîre ithua na itumumu icio menete” (Kîu nîkîo gîtûmaga kwîrwe, atî “Ithua na itumumu itingîtonya nyombarî ya Ngai-Mûnene.”)
Kuuma mûvîrîgarî wa Asheri kwarî na athigari ngiri mîrongo îna (40,000) maarî na ûûgî mwîngî wa kûrûa mbaara.
Andivangîtie akambîkîra irema mwîrî wonthe, antharîkagîra ta mûthigari njamba.
riûa riumaga kîraûko ta mûvikania akiuma nyombarî yake, rîkenete ta mûndû wa îvenya evarîrîtie kûvinyûra.
Ngige itirî mûtongoria, nwatî cionthe ithiîcaga vamwe irî ikundi ikundi.
Unûkiani mûvîtûkîrîrîte mîtîrî yake ya mîthavibu na mûmîcûkangie, nwatî mûtikamîcûkangie viû. Thîgani mvûa ciayo, nîûndû tî cia Ngai-Mûnene.
Gûtirî mûndû ûvatîkaga ûrîa wîngî, wa mûndû arûmagîrîra njîra yake; mavîtûkagîrîra gatagatî ka nyambo, na gûtirî wanarî gîa kûmagirîrîria.
Mavinyûranagia rûthingorî; mavaritaga nyomba magatonyerera îgûrû; matonyagîrîra ndiricarî ta aîi.