Joeli 2:26 - ÎVUKU RÎA ÛVORO MWARO

²⁶ Nîmûrîa irio nyîngî na mwîganie, na mûkumie Ngai-Mûnene, Ngai wenyu, ûrîa wîkîte maûndû ma kûmakania kûrî mue, andû akwa matigaaconorithua rîngî.

Joeli 2:26 ပူးပေါင်းရင်းမြစ်များ

Kîam 33:11

Nakûthaitha wamûkîre kîveo gîkî nakûretere. Ngai nîandathimîte na nîrî na indo cia kwîgana.” Jakovu nîwamûringîrîrie nginya agîciamûkîra.

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Thaburi 103:5

Nîke ûmvecaga indo mbaro ûtûûrorî wakwa, nîguo mbîkarage nîrî mwîthî na nîrî na vinya ta nderi.

Thaburi 116:7

Ngoro yakwa, gîa na thayû, nîûndû Ngai-Mûnene nîambîkîte maûndû maro.

Thaburi 13:6

Nîngaakwinîra we, Ngai-Mûnene, nîûndû nî ûmbîkîte maûndû maro.

Thaburi 22:26

Athîni makaarîa nginya mavae, arîa magoocaga Ngai-Mûnene nî makaamûkumia. Marotûûra mûrî athatûke tene na tene!

Thaburi 37:19

Matikaathîna mavinda ma thîna; nîmakethîrwa marî na irio cia kwîgana vîndî ya yûra.

Thaburi 67:5

Andû marogûkumia, we Ngai; andû onthe marogûkumia!

Thaburi 72:18

Ngai-Mûnene, Ngai wa Isiraeli arokumua! Nîke wenga tu wîkaga maûndû ma magegania.

Nthi 13:25

Andû arîa athingu methagîrwa marî na irio cia kwîgana, nwatî andû arîa aganu vîndî cionthe methagîrwa marî avûtu.

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Isaia 25:1

We Ngai-Mûnene, nîwe Ngai wakwa; nîngaakwambararia na ngumie rîîtwa rîaku, nîûndû we nîwîkîte maûndû ma magegania; mîvango îrîa wavangire kuuma tene, ûmîvingîtie na wîvokeku na ûûma.

Isaia 29:22

Kwoguo Ngai-Mûnene ûrîa wakûûrire Iburahimu arauga ûvoro wîgiî nyomba ya Jakovu atîrî, “Jakovu ndagaaconorithua rîngî, na ûthiû wake ndûgaatuka rîngî.

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Isaia 55:2

Nîndûî gîtûmaga mûtûmîre mbeca na kîndû gîtangîvaithia mûndû? Nîndûî gîtûmaga mûrutîre wîra kîndû gîtangîvaithia mûndû? Nthikîrîriani na kinyi na mûrîcage kîndû kîrîa Kîamro, na mwîkenagie na indo irîa noru.

Alawi 25:19

Nîgûgaakûra irio vûrûrirî ûcio na nî mûkaagîa irio cia kwîgana na mûtûûre mûrî na thayû.

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Alawi 26:5

Irio cienyu nîikengîva na mûikethage nginya vîndî ya gûketha thavibu, na mûkethîrwa mûgîketha thavibu nginya vîndî ya kûvanda ngano. Mûkethagîrwa mûrî na irio nyîngî irîa mûvatarîte na mûtûûre vûrûrirî wenyu mûrî agitîre.

Mika 6:14

Mûkaarîcaga irio na mûtikaavaa, vîndî cionthe mûkethagîrwa mûrî avûtu. Mûgocaga indo na mûkîthiî nacio, nwatî mûtikaavota gûciiga. Indo irîa mûkaaigaga ngatûmaga cianangîke vîndî ya mbaara.

Zefania 3:11

Mûthenya ûcio we ndûgaaconorithua, nîûndû atî nîûreganîte nanie. Nîngaruta mûndû wa wonthe mwîtîi na mwaganu kûrî mue, na mue mûtikaregane nanie mûrî kîrîmarî gîakwa kîtheru.

Zakaria 9:15

Ngai-Mûnene mwene vinya wonthe nîakaagitîra andû ake, na nîmakaavoota nthû ciao na mathiga ma ikûtha. Makaaugagîrîria marî mbaararî ta mîrîu ya ndivei, magîtûrûra nthakame ya nthû ciao, ta îcûrîte mbakûrirî, îkanyûrûrûka mîthiiarî ya metha ya kîgongoona.

Zakaria 9:17

Kaî makethîrwa marî aro na athaka-î! Andû ethî nîmakaagîcaga na vinya nîûndû wa ngano na ndivei.

Aroma 10:11

Mandîko matheru maugîte atîrî, “Mûndû wa wonthe ûmwîtîkîtie ndagaaconorithua.”

Aroma 5:5

Twagîa na kîîrîgîrîro tûtikucaga ngoro nîûndû Ngai nîatwîkîrîte wendo ngororî cietû na njîra ya Roho Mûtheru. Roho ûcio nî kîveo gîetû kuuma kûrî Ngai.

Aroma 9:33

Wa ta ûrîa kwandîkîtwe Mandîkorî Matheru atîrî: “Taroriani, kûu Zayuni nî ngwiga îthiga rîrîa rîkaavînga andû, îthiga rîrîa rîgaatûma andû magûe. Nwatî mûndû wa wonthe ûmwîtîkîtie ndagaaconorithua.”

Gûco 11:15

Nîagaatûma mîgûnda yenyu îgîe na nyaki ya kûrîwa nî ng'ombe cienyu. Mûkethagîrwa mûrî na irio cia kwîgana.

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 12:18

Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 8:10

Mûrî vûrûrirî ûcio, gûtirî kîndû mûkenda kûrîa gîture, na nîmûgaacokia ngatho kûrî Ngai-Mûnene, Ngai wenyu nîûndû wa vûrûri mwaro ûcio amûveete.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.