Joeli 2:23 - ÎVUKU RÎA ÛVORO MWARO

²³ “Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Joeli 2:23 ပူးပေါင်းရင်းမြစ်များ

1Atha 8:36

nakûthaitha ûkaamathikîrîria ûrî kûu îgûrû. Ûkoovera andû aku a Isiraeli mevia mao, na ûkaamathomithia mîtugo mîaro îrîa magîrîrwe nî kûrûmîrîra. Ûcoke urithie mbura vûrûrirî waku ûrîa waveere andû aku rîrî îgai rîao.

Ayubu 33:23

Nwatî mûraika angîthîrwa vakuvî nake mûraika ûmwe gatagatîrî ka araika ake ngiri, wa kûmûririkanagia ûrîa agîrîrwe nî gwîka.

Ayubu 37:13

Ngai ekaga wendi wake gûkû nthî, ûrî wa kûverithia andû, kana wa kwonania wendo wake.

Thaburi 104:34

Ngai-Mûnene arokenua nî meciria makwa, nîûndû gîkeno gîakwa kiumaga varî ke.

Thaburi 147:8

Nîatambarûkagia matu îgûrû rîetû, nîke ûtûmaga mbura yure nthî, na agatûma nyaki îmere irîmarî.

Thaburi 149:2

Isiraeli, kenerera Mûkûmbi, Andû a Zayuni canjamûkani nîûndû wa Mûthamaki wenyu.

Thaburi 28:7

Ngai-Mûnene nîke vinya wakwa na nîke ûngitagîra, ke nîke nîîvokaga. Nîandethagia na akangenia, nînîmwinagîra nyîmbo cia kûmûkumia.

Thaburi 32:11

Mue andû arîa athingu, kenani na mûcanjamûke, nîûndû wa ûrîa Ngai-Mûnene ekîte. Mue arîa mûmwathîkagîra, ugîrîriani mûkenete!

Thaburi 84:6

Makîvîtûkîrîra Kîamndarî Kîam Baca, nîmatûmaga gûtuîka kûndû gwa kûtherûka manjî; mbura nene nîîtûmaga gwîcûre manjî ma maria.

Nthi 16:15

Rîrîa ûthiû wa mûthamaki ûrî mûkengu kûrî na ûtûûro, ntha ciake nîta îtu rîa mbura.

Isaia 30:21

Mûngîvîtia njîra mûthiî na mwena wa ûrîo kana wa ûmotho, nîmûkegucaga mûgambo vuva wenyu ûkîmwîra atîrî, “Îno nîyo njîra; mîrûmîrîreni.”

Isaia 30:23

Rîrîa mûkaavanda mbeû mîgûndarî yenyu, Ngai nîakaaurithia mbura, nacio nîigaakûra na iciare maciaro meengî. Nacio ndîthia cienyu nîikaagîa na kûndû kûnene mûno gwa kûrîthua.

Isaia 41:16

Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 5:24

Matiîciragia mandîîe nie Ngai-Mûnene Ngai wao, na nînîmaurithagîria mbura vîndî yayo yakinya. Mbura nene na mbura nini, na ngamûva mavinda magîrîru ma gûketha.

Maca 4:2

Andû a Zayuni arîa maatîîtwe mûno, moonagwa marî aro ta thaavu îrîa ntherie, nwatî rîu mekariî ta nyûngû, wîra wa njara cia mûmbi.

Ezek 34:26

“Nîngaairathima na nîigaatûûra mîenarî ya kîrîma gîakwa Kîammûre. Nîngaaciurithagîria mbura vîndî îrîa yagîrîrîte na nîgaatuîka mbura ya kîrathimo.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Alawi 26:4

nî ngaamurithîria mbura kavinda karîa kagîrîru, nîguo mîgûnda yenyu îgîcage na irio nyîngî na mîtî îciare matunda.

Amosi 4:7

Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Zakaria 10:1

Voyani Ngai-Mûnene amûve mbura vîndî ya mbura nini, Ngai-Mûnene nîke ûtûmaga kûgîe na matu maumaga mbura, akauria mbura na mîgûnda îkagîa na irio nîûndû wa andû onthe.

Zakaria 10:7

Andû a Efiraimu magaatuîka ta njamba cia vinya mbaara irî vinya, makaagîa na gîkeno ta andû manyuîte ndivei. Ciana ciao nîigaakena ciona ûguo, ngoro ciao nîigaakena nîûndû wa Ngai-Mûnene.

Zakaria 9:13

Nîndûmîra Juda ta ûta wakwa, Efiraimu nîmûtuîte ta mîguî yakwa. Mue andû a Zayuni, anake enyu nîngaamatua ta rûviû rwakwa rwa njûra, makethîrwa mekariî ta rûviû rwa mbaara, rwa kûtharîkîra andû a Ngiriki.”

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Ciîko 14:17

Nwatî vîndî cionthe ke nîwîthîrîtwe akîonania na ma atî arî kuo na njîra ya maûndû maro marîa ekaga kûrî andû. Ke nîke urithagia mbura kuuma îgûrû na akamûva imera mavinda marîa magîrîru. Ke nîke ûmûvecaga irio na agecûria ngoro cienyu na gîkeno.”

Gûco 11:14

Mweka ûguo agaatûmaga mbura yure mîgûndarî yenyu mavinda marîa magîrîru, vîndî ya mbura nene na vîndî ya mbura nini, nîguo mwîthagîrwe mûrî na ngano, ndivei na maguta ma kwîgana.

Gûco 28:12

Ngai-Mûnene nîakaamûvingûrîra mûthithû wake kûu îgûrû amurithagîrie mbura vûrûrirî wenyu mavinda marîa magîrîru na arathimage wîra wenyu. Nîmûgaakovithia mavûrûri meengî, nwatî mûtigaakova kuuma kûrî o.

Gûco 32:2

Kîrîra gîakwa nî kiura ta mbura, ciugo ciakwa igwe nthî ta îme. Ciugo ciakwa ciure ta mbura ya rûnyunyuû îgûrû rîa nyaki nini, ta mbura ya rûnyunyuû îgûrû rîa mîmera mînini.

Afil 3:1

Ngîrîkîrîria, ariû na aarî a îthe wetû kenagani mûrî ûrûmwe na Mwathani. Tî mûrigo kûrî nie kûmwandîkîra maûndû wa marîa nanamwandîkîra rîngî, nîûndû ûndû ûcio nîwakûmûgitîra.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.