Joeli 2:20 - ÎVUKU RÎA ÛVORO MWARO

²⁰ Nîngaaruta nthû icio ciumîte mwena wa rûgûrû, na nîngavira amwe nginya werûrî. Athigari arîa marî mbere nîngamavira nginya Îriarî rîa Cumbî, nao arîa a vuva nîmavire Îriarî rîa Mediterania. Nîmakaaruta mûruke mûcûku na mûnungo mûcûku, acio nîmekîte maûndû meengî mûno macûku.

Joeli 2:20 ပူးပေါင်းရင်းမြစ်များ

2Atha 8:13

Hazaeli nîwaûririe Elisha atîrî, “Nie mwathi makwa nîrî û, atî nwa mbîke ûndû ûcio mûnene ûguo?” Nake Elisha nîwacokirie atîrî, “Ngai-Mûnene nîanguûrîrîtie atî nîûgaatuîka mûthamaki wa Sîria.”

Thaburi 126:3

Ngai-Mûnene nîatwîkîrîte maûndû manene, tûrî akenu mûno!

Ntha 10:19

Nake Ngai-Mûnene nîwagarûrire rûvuvo rûrîa rwavurutanaga rumîte mwena wa îrathîro, rûkîambîrîria kûvurutana rumîte mwena wa îthûîro. Naruo nîrwavurutanire na rûgîkuua ngige cionthe rûgîcikia Îria Îtune. Gûtirî ngige wanarî îmwe yatigirwe Misiri.

Ntha 8:14

Nao andû a Misiri nîmaaicokanîrîrie vamwe irûndo nene, na vûrûri wonthe ûkînunga nîûndû wacio.

Isaia 34:3

Ciimba ciao igatewa na kûu nja, na mûnungo wa ciimba ciao wîcûre vûrûrirî; nayo nthakame yao îkanyûrûrûka kuuma irîmarî.

Ezek 47:18

“Mwena wa îrathîro, mûvaka ûkauma Hazaru Enoni gatagatî ka Haurani na Damesiki ûrûmîrîrîte rûnjî rwa Jorodani ûgaanîtie vûrûri wa Isiraeli na vûrûri wa Gileadi. Isiraeli îkethîrwa îrî mwena wa îthûîro nayo Gileadi îthîrwe îrî mwena wa îrathîro ûthiîte nginya Tamarû îriarî rîa cumbî.

Amosi 4:10

Nînamûretithîrie mûthiro ta ûrîa naretere andû a Misiri, nînaûragire anake enyu a mbaara na ngîoca mbarathi cienyu. Nînatûmire kûrîa mwambîte magema kûgîe na mûnungo wa ciimba, nwatî kûnarî ûguo mûtianjokerera.

Zakaria 14:8

Vîndî îo yakinya, manjî maro nîmakaanyûrûrûka maumîte Jerusalemu. Nuthu îmwe ya manjî mau îkaanyûrûrûkaga îthiîte îriarî rîa mwena wa îrathîro, nayo nuthu îo îngî îkaanyûrûrûkaga îthiîte îriarî rîa mwena wa îthûîro. Manjî mau makaanyûrûrûkaga vîndî cionthe, vîndî ya riûa na vîndî ya mvevo.

Malaki 3:11

Nîngengata cianangi itigacûkangie kîmera kîenyu. Mîthavibu ya mîgûnda yenyu ndîgatiga gûciara matunda. Ûguo nîguo nie Ngai-Mûnene, mwene vinya wonthe nîrauga.

Gûco 11:24

Kûrîa kuonthe mûkaavîtûkîrîra, gûkethîrwa kûrî kwenyu. Vûrûri wenyu ûkeethîrwa umîte werûrî nginya Lebanoni, na kuuma rûnjîrî rwa Farati nginya îria rîa Mediterania mwena wa îthûîro.