Joeli 2:19 - ÎVUKU RÎA ÛVORO MWARO

¹⁹ Nîwacokire akîra andû ake atîrî, “Rîu nîngûmûva ngano, ndivei na maguta ma ndamaiyû, na nîmûkwîganîra. Andû a ndûrîrî matikaamûnyarara rîngî.

Joeli 2:19 ပူးပေါင်းရင်းမြစ်များ

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Ezek 34:29

Nîngaaiva mîgûnda mîaro îgûkûra irio nîguo itigaacoke kûgîa na yûra vûrûrirî ûcio, na itigaacoka kûthekererwa nî ndûrîrî rîngî.

Ezek 36:15

Na ndikenda mwîgua irumi kuuma mavûrûri mau rîngî kana mamûnyûrûria kana matûme vûrûri wenyu ûvîngwe rîngî. Ûguo nîguo nie Mwathani Ngai-Mûnene mbugîte.”

Ezek 36:29

Nîngaamûvonokia kuuma kûrî maûndû monthe marîa matarî matheru. Nîngatha ngano iciarage mûno nîguo mûtikagîcage na yûra.

Ezek 36:30

Nîngaatûma matunda ma mîtî ya mîgûnda yenyu mongerereke wana maciaro ma mîgûnda yenyu nîguo mûtikagîe na yûra rîa gûtûma mûconorithue mûrî gatagatî ka ndûrîrî.

Ezek 39:29

Nîngetîrîria andû a Isiraeli roho wakwa, na ndikaamatiganîria rîngî. Nînie Mwathani Ngai-Mûnene mbugîte ûguo.”

Hosea 2:15

Kûu nîkuo ngamûcokeria mîgûnda yake ya mîthavibu, nîngatua Kîamnda Kîam Akori mûromo wa kîîrîgîrîro. Akanûmagîrîra atakûringîrîrua ta ûrîa ekaga arî mwîthî, ta rîrîa aarî vûrûri wa Misiri.

Hosea 2:21

Ngai-Mûnene arauga atîrî, “Mûthenya ûcio nîngacokia mavoya ma kûu matuurî ma kuuria mbura, namo matu nîmakavingia mavoya ma nthî.

Hosea 2:22

Nayo nthî nîkaagîa na ngano, ndivei, na maguta ma mûtî wa mûtamaiyû. Nacio nîikaavingîria Jezireeli maavata make.

Joeli 1:10

Mîgûnda îtigîtwe îtarî kîndû, nthî nîîracakaya nîûndû ngano nînjûkangie, ndivei nî nthiru na maguta magatura.

Joeli 2:24

Vandû va kûvûrîra vakethîrwa vecûrîte ngano; kîvivîro nîgîgeecûra ndivei na maguta.

Alawi 26:5

Irio cienyu nîikengîva na mûikethage nginya vîndî ya gûketha thavibu, na mûkethîrwa mûgîketha thavibu nginya vîndî ya kûvanda ngano. Mûkethagîrwa mûrî na irio nyîngî irîa mûvatarîte na mûtûûre vûrûrirî wenyu mûrî agitîre.

Zakaria 8:12

Nîmakaavanda marî na thayû. Mîthavibu yao nîîgaciara thavibu, mîgûnda yao nîîkaagîa na maketha meengî na nîgûkethagîrwa na mbura ya kwîgana. Andû akwa arîa matigarîte nîngaamava irathimo ino cionthe.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Gûco 11:14

Mweka ûguo agaatûmaga mbura yure mîgûndarî yenyu mavinda marîa magîrîru, vîndî ya mbura nene na vîndî ya mbura nini, nîguo mwîthagîrwe mûrî na ngano, ndivei na maguta ma kwîgana.

Ruthu 1:6

Vuvarî, Naomi nîwegwire atî Ngai-Mûnene nîwarathimîte andû ake na njîra ya kûmava maketha maro. Kwoguo Naomi nîwevarîrie nîguo aume vûrûrirî ûcio wa Moabu na acoke kwao marî na aa nyaciarawe acio maatigîtwe nî avîcî ake rîrîa maakuire.