Joeli 1:4 - ÎVUKU RÎA ÛVORO MWARO

⁴ Ikundi nyîngî cia ngige nîirîte mîmera; kîrîa ngige itigîtie, ngige icio ciîngî nîirîte.

Joeli 1:4 ပူးပေါင်းရင်းမြစ်များ

1Atha 8:37

“Vûrûri ûyû ûngîkaagîa yûra kana mûrimû mûcûku, kana ndavaîki kana ikundi cia ngige kana mûgariû, kana andû aku matharîkîrwe nî nthû ciao, kana kûgîe na mûthiro kana mûrimû gatagatîrî kao,

2Maû 6:28

“Vîndî îrîa gûkaagîa yûra vûrûrirî ûyû kana milideu, kana ndavaîki, kana ngige, kana igunyû, kana andû matharîkîrwe nî nthû ciao, kana kwîthîrwe na mûthiro, kana mûrimû wa wonthe,

2Maû 7:13

Vîndî îrîa navinga matu mbura ndîkaure, kana natûma ngige irîe irio irîa mûvandîte mîgûndarî, kana natûma mûthiro kûrî andû akwa,

Thaburi 105:34

Ngai aathanire na gûgîûka ngige, ciana cia ngige itangîatarîkire;

Thaburi 78:46

Ngai nîwatûmire ngige irîe mîmera yonthe, na igîcûkangia mîgûnda yao.

Ntha 10:4

Na ethîrwa nîûkûrega mathiî, rûyû nîngaatûma ngige ciûke gûkû vûrûrirî ûyû waku.

Ntha 10:5

Nacio ngige icio ikeethîrwa irî nyîngî mûno. Nîigaakunîkîra nthî yonthe na nîikaarîa kîrîa kîonthe gîatigarire gîtacûkîtue nî mbura ya mbembe na irîe mîtî yaku yonthe îrîa îrî mîgûndarî.

Isaia 33:4

Nthû ciao ciûnganagia indo irîa itavîte ta ûrîa igunyû ciûngûrûragia indo; wata ûrîa ngige irûgaga, nwataguo andû makaarûgîra indo icio.

Jeremia 51:14

Ngai-Mûnene mwene vinya wonthe nîevîtîte ke mwene akauga atîrî, “Nama nîngûrete athigari eengî ta ngige makûtharîkîre, na nîmakaugîrîria na vinya nîûndû wa ûrîa mavootanîte.”

Jeremia 51:27

“Vandani vendera ya mbaara gûkû nthî, vuvani karumbeta mavûrûrirî; varîriani mavûrûri nîguo marûe mbaara nake. Îtani mothamaki ma Ararati, Mini na Ashikenazi maûke maûtharîkîre. Thuurani njamba ya kûrûa nake; rîretereni mbarathi ta ikundi cia ngige.

Joeli 2:25

Nîngamûcokeria kîrîa Kîamûrire vingo îrîa ngige ciarîîre irio cienyu, nînie namûtûmîre athigari acio engî ûguo.

Amosi 4:9

“Nînamûverithirie na kûmûvîvîria mîmera na ndavaîki. Mîgûnda yenyu yonthe ya irio wana ya mûthavibu wana mîtî yenyu îrîa îkethagwa ngûyû na ndamaiyû nîyarîrwe nî ngige. Kûnarî ûguo nîmwaregire kûnjokerera.

Amosi 7:1

Mama nîmo maûndû marîa Ngai-Mûnene aamonirie: Nînonire akîûmba gîtutu Kîam ngige vîndî îrîa nyaki yambagîrîria kûtheûka yarîkia gûtemerwa mûthamaki.

Malaki 3:11

Nîngengata cianangi itigacûkangie kîmera kîenyu. Mîthavibu ya mîgûnda yenyu ndîgatiga gûciara matunda. Ûguo nîguo nie Ngai-Mûnene, mwene vinya wonthe nîrauga.

Gûco 28:38

“Nîmûkaavanda mbeû nyîngî, nwatî mûgaaketha maketha manini, nîûndû maketha menyu nîmakaarîwa nî ngige.

Gûco 28:42

Mîtî yenyu yonthe na irio cia mîgûnda nîkaarîwa nî ngige.