Jeremia 9:9 - ÎVUKU RÎA ÛVORO MWARO

⁹ Nwa ndege kûmaverithia nîûndû wa maûndû mama? Nwa ndege kwîrîvîrîria kûrî rûrîrî ta rûrû?” Ûguo nîguo Ngai-Mûnene arauga.

Jeremia 9:9 ပူးပေါင်းရင်းမြစ်များ

Isaia 1:24

Kwoguo Ngai-Mûnene Mwathani mwene vinya wonthe, kîvoti wa Isiraeli arauga atîrî, “Nîngetûrûra marakara makwa kûrî nthû ciakwa, na nîîrîvîrîrie kûrî andû arîa mareganaga nanie.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 57:6

Mwocaga mathiga marîa manyoroku kuuma Kîamndarî. Mûmocaga mûkîmarutagîra matega ma kîndû gîa kûnyuwa na matega ma irio. Mwîciragia nîngenagua nî maûndû mau?

Jeremia 12:11

Nîmatûmîte ûtuîke îganjo, ûrandîrîra ûrî maganjo, vûrûri wonthe watuîkire werû, nwatî gûtirî mûndû ûtindanagîra naguo.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Jeremia 4:25

Nînaroririe na ngîona gûtarî wanarî mûndû, wana iconi cionthe ciarî ngûrûku.

Jeremia 5:29

Ngai-Mûnene arauga atîrî, “Nwa ndege kûverithia andû nîûndû wa maûndû mama? Nwa ndege kwîrîvîrîria kûrî vûrûri ta ûyû?

Jeremia 5:9

Nîngîrega atîa kûmaverithia nîûndû wa maûndû mau, nwa ndege kwîrîvîrîria kûrî vûrûri ta ûyû?

Hosea 4:3

Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”

Joeli 1:19

We Ngai-Mûnene nînîrakûrîrîra, mwaki nîûthirîtie kûndû gwa kûrîthua, nînîmbî cia mwaki nîithirîtie mîtî yonthe ya kîthaka.

Amosi 5:1

Tathikîrîria ngîgûcakaîra we Isiraeli.

Amosi 5:2

We nthingi Isiraeli nîûgwîte na ndûngîûkîra rîngî, ûtigîtwe ûrî wenga vûrûrirî waku, gûtirî wanarî mûndû wa gûkûrûngamia.