Jeremia 9:7 - ÎVUKU RÎA ÛVORO MWARO

⁷ Kwoguo Ngai-Mûnene mwene vinya wonthe arauga atîrî, “Taroria andû akwa nî evia, nîngûmatheria na nîmagerie, nîûndû gûtirî ûndû wîngî nîngîmeka.

Jeremia 9:7 ပူးပေါင်းရင်းမြစ်များ

2Sam 13:26

Abusalomu nîwacokire akîîra mûthamaki atîrî, “Ethîrwa tî mûka, îra wanarî mûrwaiya Amunoni tûthiî nake.” Nake mûthamaki nîwamûûririe atîrî, “Ûrenda kûthiî nake nîkî?”

2Maû 36:15

Ngai-Mûnene, Ngai wa methe mao nîwatûmanîte kûrî o maita meengî kûvîtûkîra kûrî anjaama ake, nîûndû nîwamegucagîra ntha wa vamwe na hekarû yake.

Thaburi 120:4

Na mîguî mîûgî ya mûthigari, na makara magîakanaga mwaki!

Thaburi 55:22

Virîra Ngai-Mûnene mathîna maku, na nîagûkûmenyerera; ndangîrekereria andû arîa athingu mavootwe.

Thaburi 62:5

Mbetererete Ngai wenga tu ngirîrîrîtie; kîîrîgîrîro gîakwa kîrî kûrî ke.

Isaia 1:25

Nîngaamûverithia; nîngaamûtheria ta ûrîa cuuma îtheragua na mwaki, na nîmûtherie gîko kîenyu kîonthe.

Isaia 48:10

Taroria nîngûtheretie na mwaki, nwatî tî ta ûrîa sîlûva îtheragua, nîngûgeretie na mwaki mûnene wa mathîna.

Isaia 59:3

Nîûndû njara cienyu nîinyitîtwe nî mûgiro nîûndû wa kûragana, ciara cienyu igeka ciîko njûku, mîromo yenyu nîyarîtie maveeni, natuo tûrîmî twenyu tûkaaria waganu.

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Jeremia 5:1

Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Jeremia 6:27

Jeremia, nîngûtuîte mûndû wa gûtuîria, na wa kûthima andû akwa, nîguo ûtuîrie na ûmenye mîthiîre yao.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Malaki 3:3

Ke agaûka gûtûtuîra ta mûndû ûrîa ûthambagia na akatheria sîlûva. Nîakaatheria njiarwa cia Lawi, ta mûndû ûrîa ûtheragia thaavu kana sîlûva, nginya rîrîa makarutîra Ngai-Mûnene îgongoona rîrîa rîngîtîkîrîka.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

1Pet 4:12

Arata akwa ende, tigani kûmaka nîûndû wa ûrûrû wa mathîna marîa mûracemania namo mûkîgerua. Tigani gwîciria atî maûndû mau marekîka kûrî mue nî mageni.