Jeremia 9:23 - ÎVUKU RÎA ÛVORO MWARO

²³ Ngai-Mûnene arauga atîrî, “Mûndû mûûgî ndakegathe na ûûgî wake, na andû njamba matikegathe nîûndû wa vinya wao, na itonga itikegathe na ûtonga wacio.

Jeremia 9:23 ပူးပေါင်းရင်းမြစ်များ

Ayubu 32:13

Îîmenyerereni mûtikeîre atî mue nîmue aûgî; Ngai nîke ûngîcokeria Ayubu, nwatî tî mûndû.

Ayubu 41:15

Ngothi yayo îcûrîtwe nî mathemo mekariî ta ngo. Manyitithanîtue vamwe makaûma ta îthiga.

Thaburi 33:5

Ngai-Mûnene nîendete maûndû ma ûthingu na ma kîvooto, wendo wake ûtathiraga wîcûrîte nthî yonthe.

Thaburi 34:3

Tûrî vamwe nîtûkumieni ûnene wa Ngai-Mûnene, nîtûkumieni rîîtwa rîake tûrî vamwe!

Thaburi 44:9

Nwatî rîu nîûtûtiganîrîtie na ûgatûma tûvootwe; nîûtigîte kûthiîcania na athigari etû a mbaara.

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Nthi 11:4

Ûtonga ndûgunaga mûndû mûthenya wa îtuîro, mwatî ûthingu nîûvonokagia mûndû kuuma kûrî gîkuû.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Nthi 3:5

Îîvoke Ngai-Mûnene na ngoro yaku yonthe, na ndûkevoke meciria maku we mwene.

Mûvunjia 2:19

Nû wicî kana akethîrwa arî mûûgî kana arî kîrimû? Kûnarî ûguo, indo cionthe irîa naacaririe gûkû nthî ngîtûmagîra ûûgî wakwa nwanginya ngaamûtigîra cio. Ûyû wana guo nî wîra wa mana.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Isaia 10:8

Etîîaga akiugaga atîrî, “Kinthî atongoria a athigari akwa onthe tî athamaki?

Isaia 20:5

Kwoguo arîa onthe mevokete Ethiopia na metîîaga nîûndû wa Misiri nîmakaamaka na maconoke.

Isaia 47:10

“Ûtûûraga wîvokete waganu waku; weîraga atî gûtirî mûndû ûrakwona. Ûûgî waku na ûmenyo waku nîguo wakûvîtithirie, na weîraga na ngoro yaku atî: ‘Nie nînie tu na gûtirî wîngî tiga nie.’

Isaia 5:21

Andû arîa meyonaga marî aûgî kaî marî na thîna-î, arîa meyonaga marî na wara mwîngî.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Jeremia 48:14

“Andû a Moabu, mugaga mûrî njamba, na athigari a mbaara marî vinya atîa?

Jeremia 48:7

We Moabu nîwevokire ûvoti waku na ûtonga waku, nwatî rîu wanawe nîûgatavwa; ngai yaku Kemoshi nîîkavirwa îthamîriorî, vamwe na athînjîri-Ngai na ndungata ciake.

Jeremia 49:4

Mûretîîa na cianda cienyu nîkî mue andû arîa mûtetîkîtie? Mwevokete ûtonga wenyu mûkiugaga, ‘Nîûrîkû ûngîcûyia kûrûa natue?’

Ezek 29:9

Vûrûri wa Misiri ûgaatuîka werû ûtarî kîndû, na nîmakaamenya atî nie nînie Ngai-Mûnene. “Waugire atî Rûnjî rwa Nilo nî rwaku na nîwe warûmbire,

Ezek 7:19

Nîmagaikia sîlûva njîrarî, na thaavu yao igaatuîka ta kîndû gîtarî kîtheru. Sîlûva na thaavu ciao itikaavota kûmavonokia mûthenya ûrîa Ngai-Mûnene akaametûrûrîra marakara make. Itikaamathiria vata kana imavaithie, nîûndû mbeca icio na thaavu nîcio ciatûmire matonye waganurî.

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Maariko 10:24

Nao arutwa nîmaamakire mûno nîûndû wa ciugo icio, nwatî Jesû nîwathiîre na mbere na kûmeera atîrî, “Ciana ciakwa, na kaî nî ûndû wî na vinya gûtonya Ûthamakirî wa Ngai-î.

Aroma 1:22

Maugaga nî aûgî nwatî nî irimû.

1Akor 1:31

Kwoguo wata ûrîa mandîko matheru maugîte: “Mûndû wa wonthe ûngîenda gwîtîîa nîetîîe na maûndû marîa Mwathani ekîte.”

Gûco 8:17

Kwoguo îîmenyerereni mûtigecirie atî mûtongete nîûndû wa ûvoti kana vinya wenyu.

Afil 3:10

Ûndû ûrîa mendaga nî kûmenya Kristû wa vamwe na vinya wa kûriûka gwake, ngwatanagîre nake mathînarî make na mbîkare take ûvororî wîgiî gîkuû gîake,

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

1Sam 17:42

Na rîrîa Goliathu aaroririe na akîona Daudi waro, ke nîwamûnyararire nîûndû Daudi kaarî kavîcî kanini na kathaka.