Jeremia 9:22 - ÎVUKU RÎA ÛVORO MWARO

²² Ngai-Mûnene nîwambîrire mbuge atî: “Ciimba cia andû inyagarûkîte ta mai ma ng'ombe mîgûndarî, ta imanja cia ngano itemetwe nî mûkethi, itarî na mûndû wa gûciûngani.”

Jeremia 9:22 ပူးပေါင်းရင်းမြစ်များ

2Atha 20:13

Hezekia nîwanyitire anjaama acio ûgeni na akîmonia ûtonga wake. Ûtonga ûcio warî; sîlûva, thaavu, tûnyamû tûnungi waro, maguta ma goro, nyomba îrîa aigaga indo ciake cionthe cia mbaara na indo cionthe irîa ciarî makûmbîrî make. Gûtirî kîndû wanarî kîmwe Kîamrî nyombarî yake kana ûthamakirî wake ataamoonia.

2Atha 20:15

Mûrathi Isaia nîwamûûririe atîrî, “Moonire ndûî nyombarî yaku?” Nake Hezekia nîwacokirie atîrî, “Nîmoonire indo cionthe îrîa irî nyombarî yakwa. Gûtirî kîndû wanarî kîmwe kîrî makûmbîrî makwa ndaamoonia.”

2Atha 9:37

nakîo kimba gîake gîkaanyagarûka ta mai mûgûndarî kûu vûrûrirî wa Jezireeli, na gûtirî mûndû ûkaavota gûkîmenya’ ”

Ayubu 5:13

Nîanyitaga andû arîa aûgî na wara wao, na nîarûngamagia mîvango ya arîa etîi wa rîmwe.

Thaburi 49:7

Mûndû ndangîvota gwîkûûra ke mwene; kana avota kûrîva Ngai îrîvi rîa ûtûûro wake,

Thaburi 83:10

andû arîa wathirîrie Endoru, na mîîrî yao yorere nthî.

Nthi 18:11

Itonga ciîciragia atî igitagîrwa nî ûtonga wa cio, ta nthingo ndaca cia vinya ithiûrûrûkîrîtie îtûûra.

Nthi 23:4

Ndûkenogie ûgîcaria ûtonga, gîa na ûûgî na ûtige kwîthînia.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 25:33

Mûthenya ûcio andû arîa makaûragwa nî Ngai-Mûnene makanyagania kuuma mûthiia ûmwe wa nthî kûthiî ûrîa wîngî. Matigacakaîrwa, matikaûnganua kana mathikwa; makanyagarûkua nthî ta irûndo cia thumu.

Jeremia 6:21

Kwoguo nie Ngai-Mûnene nîrauga atîrî, “Taroria nîngwigîra andû aya maûndû ma kûmavînga, methe vamwe na anake ao, andû arîa mariganîtie nao na arata nîmakaathira.”

Jeremia 7:33

Ciimba cia andû aya ikaarîwa nî iconi cia rîerarî na nyamû cia kîthaka na gûtirî mûndû ûkaimakia.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Habakuku 1:11

Nîmacokaga makathiî na mbere ta rûkûngi, nîmekaga mavîtia na vinya wao nîguo ûtuîkîte ngai yao.”

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.

Gûco 8:17

Kwoguo îîmenyerereni mûtigecirie atî mûtongete nîûndû wa ûvoti kana vinya wenyu.